ပြည်ခိုင်ဖြိုးပါတီ အာဘော် ပြည်ထောင်စု နေ့စဉ် သတင်းစာ ရပ်ဆိုင်း


2015.08.13
theuniondaily-620.jpg ထုတ်ဝေခွင့် ခဏရပ်ဆိုင်းထားတဲ့ ပြည်ထောင်စု နေ့စဉ်သတင်းစာကို တွေ့ရစဉ်
Photo: The Union Daily Facebook
အယ်ဒီတာ မယဉ်ယဉ်လှကို မေးမြန်းချက်
နားထောင်ရန် အသံဖိုင်ယူရန်

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ အာဘော်သတင်းစာဖြစ်တဲ့ ပြည်ထောင်စု နေ့စဉ်သတင်းစာ ကို ပြန်ကြားရေးဝန်ကြီးဌာနက ထုတ်ဝေခွင့် ယာယီရပ်ဆိုင်းလိုက်ပါတယ်။ ပါတီတွင်းထိပ်ပိုင်း ခေါင်းဆောင် အပြောင်းအလဲတွေ ဆောင်ရွက်နေချိန်ဖြစ်တာကြောင့် အခုလို ယာယီရပ်ဆိုင်းလိုက်တာလို့ ပြည်ထောင်စု နေ့စဉ် သတင်းစာရဲ့ အယ်ဒီတာ မယဉ်ယဉ်လှက ပြောပါတယ်။

"ပါတီအတွင်း လူကြီးအပြောင်းအလဲ လုပ်ကြတဲ့အခါကျရင်တော့ သတင်းစာက ခဏရပ်ထားတဲ့အချိန်ပေါ့၊ ကြားကာလရောက်နေတဲ့အချိန်ပေါ့၊ အဲ့လိုဖြစ်နေတာပါ ခဏရပ်ထားပါလို့ပဲပြောထားတယ်"

သတင်းစာကို ယာယီရပ်ဆိုင်းလိုက်ပေမယ့် ဝန်ထမ်းတွေကို ထုတ်ပယ်လိုက်တာမရှိဘဲ ပုံမှန်အတိုင်း ရုံးတက်ကြဖို့ အသိပေးထားတယ်လို့ သိရပါတယ်။ ပြည်ထောင်စု နေ့စဉ်သတင်းစာကို ၂၀၁၃ ခုနှစ် ဧပြီ ၁ ရက်နေ့က စတင်ထုတ်ဝေခဲ့တာဖြစ်ပြီး၊ ဝန်ထမ်းအင်အား ၃၀၀ နီးပါးရှိပါတယ်။ ဒါ့အပြင် ပြည်ထောင်စု ကြံ့ခိုင်ရေးနဲ့ ဖံ့ွဖြိုးရေးပါတီဥက္ကဌဟောင်း သူရဦးရွှေမန်းနဲ့ ဆက်စပ်မှုရှိတယ်လို့ ယူဆရတဲ့ ရှေ့ဆောင်ဂျာနယ် ကိုလည်း ပြန်ကြားရေးဝန်ကြီးဌာနက ထုတ်ဝေခွင့်ယာယီရပ်ဆိုင်းလိုက်ပါတယ်။

ပြည်ထောင်စု နေ့စဉ်သတင်းစာရဲ့ အယ်ဒီတာ မယဉ်ယဉ်လှကို RFA သတင်းထောက် မဝေမာထွန်း ဆက်သွယ်မေးမြန်းထားတာ နားဆင်နိုင်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။