လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်း


2018.07.31
the-independent-commission-of-enquiry-622.jpg "လွတ်လပ်သော စုံစမ်းစစ်ဆေးရေးကော်မရှင်" ဖွဲ့စည်းကြောင်း ကြေညာချက် တစိတ်တပိုင်းကို တွေ့ရစဉ်
Photo: Myanmar President Office
အသံဖိုင် နားဆင်ရန်နှင့် ရယူရန်
နားထောင်ရန် အသံဖိုင်ယူရန်

ရခိုင်ပြည်နယ် ပြန်လည်သင့်မြတ်ရေး၊ တည်ငြိမ်းအေးချမ်းရေးနဲ့ ဖွံဖြိုးတိုးတက်ရေးတို့အတွက် "လွတ်လပ်သော စုံစမ်းစစ်ဆေးရေးကော်မရှင်" ကို နိုင်ငံတော် သမ္မတရုံးက ဇူလိုင်လ ၃၀ ရက် နေ့စွဲ နဲ့ ဖွဲ့စည်းလိုက်ပါတယ်။

အဲဒီကော်မရှင်မှာ အဖွဲ့ဝင် ၄ ဦး ပါဝင်မှာဖြစ်ပြီး အဖွဲ့ခေါင်းဆောင်အဖြစ် ဖိလစ်ပိုင်နိုင်ငံက ဒုတိယ နိုင်ငံခြားရေး ဝန်ကြီးဟောင်း သံအမတ်ကြီး ရိုဆာရီယို မယ်နာလိုက ဦးဆောင်မှာ ဖြစ်ပါတယ်။

လွတ်လပ်တဲ့ စုံစမ်းရေးကော်မရှင်ဟာ ရခိုင်ပြည်နယ်မြောက်ပိုင်းမှာ ARSA အကြမ်းဖက် တိုက်ခိုက်မှုတွေ ဖြစ် ပွားပြီးတဲ့နောက် လူ့အခွင့်အရေး ချိုးဖေါက်တယ်ဆိုတဲ့ စွပ်စွဲချက်တွေနဲ့ ပတ်သက်ဆက်နွယ်တဲ့ကိစ္စရပ်တွေကို စုံစမ်းစစ်ဆေးမှာဖြစ်ပါတယ်။

အဲဒီအဖွဲ့မှာ အဖွဲ့ဝင်တွေအဖြစ် နိုင်ငံတော် ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌဟောင်း ဦမြသိန်း၊ ဂျပန်သံအမတ်ကြီး ကင်ဇိုအိုရှီးမား နဲ့ ကုလသမဂ္ဂ ဝန်ထမ်းကောလိပ် ကျောင်းအုပ်ကြီးဟောင်း ပါမောက္ခ ဒေါက်တာ အောင်ထွန်းသက် တို့ ပါဝင်ကြပါတယ်။

ဒီကော်မရှင်ကို ပြည်တွင်းနဲ့ နိုင်ငံတကာက ဥပဒေ နဲ့ နည်းပညာကျွမ်းကျင်သူတွေက ပံ့ပိုး ဆောင်ရွက်ပေး မှာ ဖြစ်ပါတယ်။

ဒီကော်မရှင်ဖွဲ့စည်းတာနဲ့ ပတ်သက်ပြီး အာရှလူ့အခွင့်အရေးကော်မရှင်က လူ့အခွင့်အရေးရှေ့နေ ဦးမင်းလွင်ဦး ကို ဦးတင်အောင်ခိုင်က ဆက်သွယ်မေးမြန်းထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။