စုံစမ်းရေး ကော်မရှင်သစ် ဟန်ပြအဖြစ် ပြောဆို


2018.08.01
the-independent-commission-of-enquiry-622.jpg "လွတ်လပ်သော စုံစမ်းစစ်ဆေးရေးကော်မရှင်" ဖွဲ့စည်းကြောင်း ကြေညာချက် တစိတ်တပိုင်းကို တွေ့ရစဉ်
Photo: Myanmar President Office

ရခိုင်ပြည်နယ်က လူ့အခွင့်အရေးချိုးဖောက်မှုတွေကို စုံစမ်းဖို့ အစိုးရက လွတ်လပ်သော စုံစမ်းစစ်ဆေးရေး ကော်မ ရှင်သစ် ဖွဲ့စည်းလိုက်တာဟာ ထွင်လုံးသက်သက်ပဲလို့ အကဲခတ်တွေက မနေ့က ဝေဖန်လိုက်ပါတယ်။

ဒါဟာ နိုင်ငံရေးထွင်လုံးလို့ ရန်ကုန်အခြေစိုက် အကဲခတ်ပုဂ္ဂိုလ် David Mathieson က ပြောပါတယ်။ နိုင်ငံတကာ လွတ်ငြိမ်းချမ်းသာခွင့်အဖွဲ့၊ ကုလသမဂ္ဂနဲ့ မီဒီယာတွေက သက်သေအထောက်ထားတွေ စုဆောင်းထားပြီးတဲ့ အကြောင်း၊ ဒီ စုံစမ်းရေးကော်မရှင်ဟာ ဟန်ပြလုပ်တာနဲ့တူပြီး စစ်မှန်တဲ့ စုံစမ်းစစ်ဆေးရေးမဟုတ်ဘဲ စစ်တပ်က လူမျိုးစုရှင်းလင်းတာကို အကာကွယ်ပေးဖို့ ပူးပေါင်းနိုင်ရုံပဲ ရှိမယ့်အကြောင်း ပြောပါတယ်။

စုံစမ်းရေးကော်မရှင်သစ်မှာ နိုင်ငံခြားသားနှစ်ဦးနဲ့ မြန်မာနှစ်ဦး ပါဝင်ပါတယ်။ ဖိလစ်ပိုင်နိုင်ငံခြားရေး ဒုဝန် ကြီးဟောင်း Rosario Manalo ၊ ဂျပန်နိုင်ငံဆိုင်ရာကုလသမဂ္ဂ ကိုယ်စားလှယ် Kenzo Oshima၊ ဖွဲ့စည်းပုံအခြေခံ ဥပဒေခုံရုံး ဥက္ကဌဟောင်း ဦးမြသိန်း၊ ရိုဟင်ဂျာပြဿနာအတွက် မြန်မာအစိုးရကဖွဲ့စည်းတဲ့ ရခိုင်ပြည်နယ် ဒေသ အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း ညှိနှိူင်းရေးမှူးချုပ် ဒေါက်တာအောင်ထွန်းသက်တို့ ပါဝင်ပါတယ်။

ဘင်္ဂလားဒေ့ရှ်နိုင်ငံထုတ် ဒေးလီးစတားသတင်းစာနဲ့ ဧပြီလကမေးမြန်းခန်းမှာ ရိုဟင်ဂျာတွေကို လူမျိုးစု မရှင်းလင်းဘူးလို့ ဒေါက်တာအောင်ထွန်းသက်က ငြင်းပါတယ်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။