မွန်ပြည်နယ်မှာ ဝန်ထမ်း ၂၂ ဦးကို လာဘ်ယူမှုနဲ့ အရေးယူ


2017.06.16
winnaingoo-mon-620.jpg မွန်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ဝင်းနိုင်ဦး ကို မွန်ပြည်နယ်လွှတ်တော်မှာ ဇွန်လ ၁၆ ရက်နေ့က တွေ့ရစဉ်
Photo: Kyaw Lwin Oo/RFA
မွန်ပြည်နယ် အစိုးရဝန်ကြီးဌာနတွေက ဝန်ထမ်း ၂၂ ဦးကို လာဘ်ပေးလာဘ်ယူမှုနဲ့ အရေးယူထားတယ်လို့ မွန်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ဝင်းနိုင်ဦးက ပြောပါတယ်။

ဒီနေ့ကျင်းပတဲ့ ဒုတိယအကြိမ် မွန်ပြည်နယ်လွှတ်တော် အစည်းအဝေးမှာ သထုံမြိုနယ် ပြည်နယ် လွှတ်တော် ကိုယ်စားလှယ် ဦးအောင်ကျော်သူက မွန်ပြည်နယ်အတွင်းဖြစ်ပွားနေတဲ့ လာဘ်ပေးလာဘ်ယူမူတွေနဲ့ ပတ်သက်ပြီး အရေးယူမှု မေးမြန်းရာမှာ လုံခြုံရေးနဲ့ နယ်စပ်ရေးဝန်ကြီး ဗိုလ်မှူးကြီး ဝင်းနိုင်ဦးက လွှတ်တော်မှာ ဖြေကြားခဲ့ တာဖြစ်ပါတယ်။

မွန်ပြည်နယ် စည်ပင်သာယာရေးဝန်ကြီးဌာန၊ စိုက်ပျိုးရေးဌာန၊ ဆည်မြောင်းဦးစီးဌာနတွေက အမှုတစ်မှုစီ၊ အထွေထွေအုပ်ချုပ်ရေးမှူးဦးစီးဌာနက နှစ်မှု၊ လျှပ်စစ်ဌာနက သုံးမှုနဲ့ ပညာရေးဌာနက ၁၄ မှု စုစုပေါင်း အမှု ၂၂ မှု ကို အရေးယူထားတာ ဖြစ်ပါတယ်။

မွန်ပြည်နယ်အတွင်း လာဘ်ပေးလာဘ်ယူမှုနဲ့ ပတ်သက်တဲ့ တိုင်စာတွေဟာ တိုင်ကြားစာ သနားခံစာများ လေ့လာ သုံးသပ်စီစစ်ရေးကော်မတီကို အများဆုံးရောက်ရှိတယ်လို့ အဲဒီကော်မတီရဲ့ ဥက္ကဌ ဦးအောင်ကျော်သူ က ပြော ပါတယ်။

မွန်ပြည်နယ်မှာ ပြည်ပကိုအလုပ်ထွက်လုပ်တဲ့ လူတွေများတာကြောင့် နိုင်ငံကူးလက်မှတ် Passport လုပ်တဲ့နေရာတွေမှာ လာဘ်ပေးရတာတွေ၊ ကျောင်းအပ်ရာသီမှာ ကျောင်းတွေက လာဘ်ပေးလာဘ်ယူတာတွေ စတဲ့တိုင်စာတွေများပြီး အရေးယူမှုပိုင်းမှာ အားနည်းတယ်လို့ ဦးအောင်ကျော်သူက ပြောပါတယ်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။