မန္တလေးက MPA ဓာတ်ပုံသတင်းထောက် တစ်ဦး ဖမ်းဆီးခံရ
ဖမ်းဆီးခံရတဲ့ MPA ဓာတ်ပုံသတင်းထောက် ကိုမျိုးသီဟကျော် ကို တွေ့ရစဉ်
Photo CJ
Myanmar Pressphoto Agency (MPA) က မန္တလေးအခြေစိုက် ဓာတ်ပုံသတင်းထောက် ကိုမျိုးသီဟကျော် ဟာ ဒီကနေ့ မေလ ၂၈ ရက်နေ့ နေ့လယ်က ချမ်းအေးသာစံမြို့နယ် အောင်နန်းရိပ်သာရပ်ကွက်မှာ ဖမ်းဆီး တာခံလိုက်ရတယ်လို့ MPA သတင်းဌာနက ပြောပါတယ်။
ကိုမျိုးသီဟကျော်ကို စစ်ကောင်စီက ဘာကြောင့်ဖမ်းတယ်ဆိုတာကို လောလောဆယ် မသိရသေးဘူးလို့ MPA သတင်းဌာနက တာဝန်ရှိသူတစ်ယောက်က RFA ကို ပြောပါတယ်။
"အိမ်ကနေ မနက် ၁၀ နာရီလောက်က ထွက်သွားပြီးတော့ နေ့လယ်မှာ ဖမ်းခံလိုက်ရတယ်။ အခု စစ်ကြောရေးလုပ်ခံနေရတယ်ကြားတယ်။ မိသားစုကတော့လိုက်နေပါတယ်။ ဘာကြောင့်ဖမ်းခံရတယ် ဆိုတာတော့ မသိရသေးဘူး"
ပြီးခဲ့တဲ့ဖေဖော်ဝါရီလ ၂၇ ရက်နေ့ကလည်း ရန်ကုန်မြို့ လှည်းတန်းလမ်းဆုံမှာ ဆန္ဒပြသူတွေ အကြမ်းဖက် ဖြိုခွင်းခံနေရတာကို သတင်းဓာတ်ပုံရိုက်နေတဲ့ MPA ရဲ့ဓာတ်ပုံ သတင်းထောက် ကိုရဲမျိုးခန့်ကိုလည်း စစ်ကောင်စီက ဖမ်းဆီးထားပြီး နိုင်ငံတော်အကြည်ညိုပျက်စေမှု ၅၀၅ (က) နဲ့ တရားစွဲဆို ထားပါတယ်။
မြန်မာနိုင်ငံမှာ စစ်တပ်ကအာဏာသိမ်းပြီးနောက် ဖမ်းဆီးခံရတဲ့ သတင်းသမားတွေထဲမှာ ကိုမျိုးသီဟကျော် ဟာ ဒီနေ့ ၈၂ ဦးမြောက် သတင်းသမားတစ်ဦးလည်းဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ