SME လုပ်ငန်းရှင်တွေကို ငွေကျပ် သိန်းတစ်ထောင်အထိ ထုတ်ချေး မည်

ချေးငွေသက်တမ်းဟာ တစ်နှစ်ကနေ ၅နှစ်အထိဖြစ်ပြီး ကာလလတ် နဲ့ ကာလရှည်ချေးငွေဆိုပြီး ၂မျိုးသတ်မှတ်ထားတယ်လို့ သိရပါတယ်။ အဲဒီအတွက် ဂျာမဏီအစိုးရကနေ ယူရိုငွေ ၄ ဒသမ ၄၅ သန်း ရရှိထားတာဖြစ်တယ်လို့ အစိုးရသတင်းစာတွေမှာ ဖော်ပြထားပါတယ်။ အရင်က လုပ်ငန်းရှင်တွေအနေ နဲ့ ငွေချေးမယ်ဆိုရင် အပေါင်ပစ္စည်းပေးပြီး ချေးယူရတာဖြစ်ပေမယ့် အခုကတော့ အပေါင်ပစ္စည်း မပေးလည်း ချေးယူလို့ ရတယ်လို့ သိရပါတယ်။ အတိုးနှုန်းတွေကတော့ အပေါင်ပစ္စည်းပေးပြီးချေးယူရင် ၈.၅ရာခိုင်နှုန်း နဲ့ အပေါင်ပစ္စည်းမပေးဘဲ ချေးယူမယ်ဆိုရင် ၁၃ ရာခိုင်နှုန်း ပေးရမယ်လို့လည်း သိရပါတယ်။

အသေးစားနဲ့ အလတ်စားစီးပွားရေးလုပ်ငန်း SME တွေကို ထောက်ပံ့ဖို့ နိုင်ငံတကာချေးငွေ အနေနဲ့ ဂျပန်နိုင်ငံ JICA ကနေ ချေးငွေ ဂျပန်ယန်း ၅ ဘီလီယံ ရရှိထားပြီး အဲဒီထဲကနေ တိုင်းဒေသကြီးနဲ့ ပြည်နယ် ၁၀ ခုက လုပ်ငန်းရှင် ၁၈၀ကျော်ကို ပြီးခဲ့တဲ့နှစ်ကစပြီး ကမ္ဘောဇဘဏ်၊ မြန်မာနိုင်ငံသား များဘဏ်၊ အသေးစားနဲ့ အလတ်စား စက်မှုလုပ်ငန်းများဖွံံ့ဖြိုးရေးဘဏ် ၊ ဧရာဝတီဘဏ်၊ သမဝါယမဘဏ်နဲ့ မြန်မာ့ရှေ့ဆောင်ဘဏ် စတဲ့ ဘဏ်တွေကနေတဆင့် ထုတ်ချေးပေးနေ ကြောင်းလည်း ဦးခင်မောင်ချိုက ပြောကြားခဲ့ပါတယ်။