တပ်ကြပ် တစ်ဦးနဲ့ ဒုရဲမှူးကို အရေးယူပေးဖို့ တိုင်ကြား

"အဓိကကတော့ အဲဒီတပ်ကြပ်ကတော့ ကျနော်တို့ သတင်းသမားတွေကို နောက်ယောင်ခံပြီး ဓာတ်ပုံရိုက်တယ်။ နောက်ပြီး အဲ့တပ်ကြပ်ကို ကျနော်တု့ိ ရဲစခန်းမှာ သွားတိုင်တဲ့ဟာကို ရဲဘက်ကနေပြီးတော့ ဥပဒေနဲ့ ငြိစွန်းမှု မရှိဘူးဆိုပြီးတော့ အကြောင်းပြန်စာထုတ်ပေးတယ်။ အဲ့တော့ ရဲလုပ်ငန်းသည် အဲ့ဒါမဟုတ်ဘူး။ ရဲသည် အပြစ်ရှိ သည် မရှိဘူး သူ့မှာဆုံးဖြတ်ပိုင်ခွင့်မရှိဘူး။ သူ့ရဲ့လုပ်ပိုင်ခွင့်ကို ကျော်လွန်ပြီးတော့ တရားရုံးလုပ်ပိုင်ခွင့်ကိုကျော် လွန်ပြီးလုပ်တာ။ နောက်ပြီးတော့ အဲဒီလို အပြစ်ငြိစွန်းမှု မရှိဘူးဆိုပြီး ဆုံးဖြတ်တဲ့နေရာမှာ ကျနော်တို့ တိုင်တန်းတဲ့ တရားလိုတွေကို ခေါ်စစ်တာလည်း မရှိဘူး။ သက်သေအထောက်ထားတွေ တောင်းတာလည်း မရှိဘူး။ ရဲကိုလည်း အဲဒီဥပဒေနဲ့ ကျနော်တို့ ထပ်ပြီး အမှုဖွင့်တာပါ။"

အဲဒီလျှောက်ထားချက်ကို လက်ခံ၊ မခံ မနက်ဖြန် ဇူလိုင် ၂၀ ရက်နေ့မှာ တရားသူကြီးက ဆုံးဖြတ်ချက်ချမှာဖြစ် ပါတယ်။

ပြီးခဲ့တဲ့ ဇွန်လ ၃၀ ရက်နေ့က ဗဟန်းမြို့နယ်တရားရုံးမှာ The Voice အယ်ဒီတာချုပ် ဦးကျော်မင်းဆွေရဲ့ တရားရုံးထုတ်ကို လာရောက်သတင်းယူတဲ့ သတင်းထောက်တွေကို တပ်ကြပ်စိုးမြင့်အောင်က လက်ကိုင်ဖုန်းနဲ့ နောက်ယောင်ခံပြီး ဓာတ်ပုံ၊ ဗွီဒီယိုတွေ ရိုက်ကူးခဲ့တာကြောင့် အခုလိုအရေးယူပေးဖို့ လျှောက်ထားတာဖြစ်တယ်လို့ သိရပါတယ်။