နိုင်ငံရေးအကျဉ်းသားအချို့ ထောင်ပြောင်းခံရ

“ကျွန်မက ကိုကိုကြီး ဇနီးပါ။ ကိုဝင်းမော် အမျိုးသမီးက ထောင်ဝင်စာ သွားတွေ့နေပါတယ်။ သူလှမ်းပြောလို့ပါ။ ကိုကိုကြီးနဲ့ မောင်မောင်လတ်ကို ဘူးသီးတောင်တဲ့၊ ဇော်မင်းနဲ့ ဇေယျာဦးကို စစ်တွေတဲ့၊ ကိုဝင်းမော်ကိုတော့ ကျောက်ဖြူလို့ အဲလိုမျိုး လှမ်းပြောလို့ပါ။ ဘာကြောင့် ပြောင်းရတယ်ဆိုတာတော့၊ ကျွန်မ မသိသေးဘူး။ သူတို့ လာမှပဲ သေသေချာချာ သိမှာပေါ့နော်။”

“အခုလို ကျန်းမာရေး မကောင်းပဲနဲ့ ဟိုး ဝေးလံခေါင်ဖျားတဲ့ နေရာတွေကို ပို့လိုက်တယ်ဆိုတော့ ကျွန်မတို့ကတော့ မိသားစုအနေနဲ့ စိတ်ပူတာပေါ့နော်။”

မိသားစုဝင်တွေအနေနဲ့ ကျန်းမာရေးကို အထူးစိုးရိမ်တဲ့အတွက် မိသားဝင်တွေနဲ့ နီးတဲ့ထောင်ကို ပြောင်းရွှေ့ပေးတာမျိုးသာ ဖြစ်စေချင်တယ်လို့ မမြင့်မြင့်သောင်းက ပြောပါတယ်။

“ကျွန်မက ဒီဇင်ဘာ လကုန်ပိုင်းက ကျွန်မ သွားတွေ့တယ်။ သူ့ရဲ့ ကျန်းမာရေးက သူ့မှာ သွေးတိုး နည်းနည်း ရှိတယ်၊ ဇက်ကျီးပေါင်းရှိတယ်၊ ဂရင်ဂျီနာ ဖြစ်နေတယ်၊ အဲဒီ ဂရင်ဂျီနာက ဟို ဆေးခန်းပြနေရတာပေါ့နော်၊ အခုလို ကျန်းမာရေးမကောင်း ဖြစ်နေတဲ့အချိန်မှာ ဒီထက် ဝေးတဲ့ နေရာတွေ ပို့လိုက်တော့ ကျွန်မတော့ အရမ်းစိတ်ပူတာပေါ့နော်။ ဆေးခန်းပြလို့ ရတဲ့နေရာဆို တော်သေးတာပေါ့။ အခုဟာက ဆေးခန်းပြ မရတဲ့ နေရာတွေ ရောက်သွားပြီဆိုတော့ အရမ်းစိတ်ပူတာပေါ့။”