တမူး-ကလေး ကားလမ်း မသုံးကြဖို့ PDF သတိပေး
တမူးပြည်သူ့ကာကွယ်ရေး တပ်ရင်း ၃ တပ်ဖွဲ့ဝင်တွေကို တွေ့ရစဉ်
Photo: CJ
စစ်ကိုင်းတိုင်း တမူး-ကလေး အာရှ လမ်းမကြီးတလျှောက် တမူး ပြည်သူ့ ကာကွယ်ရေး တပ်ရင်း ၃ နဲ့ စစ်ကောင်စီ တပ်ဖွဲ့ဝင်တွေအကြား တိုက်ပွဲပြင်းထန်နေတဲ့အတွက် အဲဒီ လမ်းကို ပြည်သူတွေအနေနဲ့ အရေးပေါ်ကာလအတွင်း ဖြတ်သန်းသွားလာခြင်း မပြုကြဖို့ တမူးပြည်သူ့ကာကွယ်ရေး တပ်ရင်း ၃ က ဒီနေ့ သတိပေးကြေညာလိုက်ပါတယ်။
တမူး-ကလေး အာရှလမ်းမကြီး ရန်လင်းဖိုင်နဲ့ ဝိတုတ်ရွာအကြား တမူးပြည်သူ့ကာ ကွယ်ရေး တပ်ရင်း ၃ နဲ့ စစ်ကောင်စီ တပ်ဖွဲ့ဝင်တွေအကြား ဒီနေ့ တိုက်ပွဲပြင်းထန်ခဲ့ပြီး စစ်ကောင်စီဘက်က အရာရှိ တစ်ဦးနဲ့ တပ်သား နှစ်ဦး ကျဆုံးသွားတယ်လို့ တမူးပြည် သူ့ကာကွယ်ရေး တပ်ရင်း ၃ က ဗိုလ်ဇီးကွက်က ပြောပါတယ်။
ဒီတိုက်ပွဲအတွင်း ထိခိုက်ကျဆုံးတဲ့ အခြေအနေနဲ့ ပတ်သက်လို့ စစ်ကောင်စီဘက်က တုံ့ပြန်ချက်ရနိုင်ဖို့ RFA က ဆက်သွယ်နေဆဲ ဖြစ်ပါတယ်။
ပြီးခဲ့တဲ့ ဇန်နဝါရီ ၁ဝ ရက်နေ့ကလည်း စစ်ကိုင်းတိုင်း၊ တမူးမြို့နယ်၊ ဝက်ရှုကျေးရွာနဲ့ နှစ်မိုင်အကွာက အုတ်ဖိုကန်ဘောင် အကျဉ်းစခန်းကို တမူး PDF တပ်ရင်း (၁) က ဝင်ရောက်တိုက်ခိုက်တဲ့အတွက် ထောင်ပိုင်နဲ့ ထောင်ဝန်ထမ်း ၁၁ ဦး သေဆုံးသွားခဲ့တယ်လို့ တမူး PDF တပ်ရင်း (၁) က ဇန်နဝါရီ ၁၁ ရက်နေ့မှာ ထုတ်ပြန်ထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ