ရိုဟင်ဂျာ ကူညီရေး OIC အစ္စလာမ်နိုင်ငံတွေ ကော်မတီ ဖွဲ့စည်း


2018.05.06
rohingya-refugees-622 ဘင်္ဂလားဒေ့ရှ်နိုင်ငံ ကောက်စ်ဘဇား ဒုက္ခသည်စခန်းက မွတ်စလင်မိသားစုကို တွေ့ရစဉ်
Photo: AFP

ရိုဟင်ဂျာ ဒုက္ခသည်ပြဿနာနဲ့ ပတ်သက်ပြီး မြန်မာနိုင်ငံကို ကမ္ဘာကဖိအားပေးရေး ဆော်သြစည်းရုံးမယ့် လှုပ်ရှား မှုကော်မတီတရပ်ကို အစ္စလာမ်နိုင်ငံခြားရေးဝန်ကြီးတွေက မနေ့က ဖွဲ့စည်းလိုက်တယ်လို့ တာဝန်ရှိသူတွေ က ပြောပါတယ်။

ဘင်္ဂလားဒေ့ရှ်နိုင်ငံ ဒက္ကားမြို့မှာ နှစ်ရက်ကြာကျင်းပတဲ့ OIC ခေါ် အစ္စလမ္မစ်နိုင်ငံများ ပူးပေါင်းဆောင်ရွက်ရေးအဖွဲ့ ညီလာခံကို တက်ရောက်လာတဲ့ အဖွဲ့ဝင် ၅၃ နိုင်ငံက နိုင်ငံခြားရေးဝန်ကြီးတွေနဲ့ သံတမန်တွေက အဲဒိကော်မတီကို ဖွဲ့စည်းလိုက်တာပါ။

ဘင်္ဂလားဒေ့ရှ်နိုင်ငံက ဒုက္ခသည်စခန်းတွေဆီ မြန်မာနိုင်ငံက မွတ်စလင်ရိုဟင်ဂျာ ၇ သိန်းလောက် ထွက်ပြေးလာရတဲ့ အကြောင်းရင်းကို အဆုံးသတ်ရေး ရှေးရှူဆောင်ရွက်ကြဖို့လည်း OIC အတွင်းရေးမှူးချုပ် Yousef bin Ahmed Al-Othaimeen က တိုက်တွန်းပါတယ်။

ရိုဟင်ဂျာ အသိုင်းအဝိုင်းပေါ် လူ့အခွင့်အရေးချိုးဖောက်မှုအတွက် ဒီကော်မတီသစ်ဟာ နိုင်ငံတကာရဲ့ နိုင်ငံရေးအရ ပံ့ပိုးမှုနဲ့ ပူးပေါင်းဆောင်ရွက်မယ်လို့ ပြောပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။