နန်စီပွန်ပဋိပက္ခ အစီရင်ခံစာ တင်ရမယ့်ရက် ရွှေ့ဆိုင်း

"ဝန်ကြီးချုပ်ကို ဖုန်းဆက်လိုက်တာ။ သက်မှတ်ထားတဲ့ရက်က အရမ်းကြီးကို နီးသွားပြီ။ ၂၈ ရက်နေ့ ကျနော်ပြောလိုက်တာ။ စစ်ဆေးရမယ့်ဟာက အများကြီးရှိတဲ့အတွက် အဲဒီရက်ကတော့ ပြန်ပြီးရွှေ့ပေး မှဖြစ်မယ်လို့ ပြောတဲ့အခါကျတော့ စုံစမ်းစစ်ဆေးရေးအတွင်းရေးမှူး ခရိုင်အုပ်ချုပ်ရေးမှူး ဦးဇော်ဇော် ကနေ စာရေးပြီး တင်လိုက်တဲ့အခါမှာ ၆ လပိုင်း ၁၀ ရက်နေ့အထိကို ပြန်ပြီးတိုးပေးထားတယ်။"

နန်စီပွန်ဒေသကို သွားရောက်စစ်ဆေးရာမှာ စုံစမ်းစစ်ဆေးရေးအဖွဲ့ဝင်အားလုံး သွားရောက်ဖို့ တိုင်းအစိုးရက ညွှန်ကြားထားပြီး စုံစမ်းစစ်ဆေးရေးအဖွဲ့ဥက္ကဌ ရဲမှူးကြီး ကျော်ကျော်ထွန်း မအားလပ်သေးတဲ့အတွက် မသွားရောက်နိုင်သေးတာ ဖြစ်တယ်လို့ ဦးမောင်တေးက ပြောပါတယ်။

အခုလ ၁၇ ရက်နေ့က နန်စီပွန်ဒေသမှာ ဖြစ်ပွားခဲ့တဲ့ပဋိပက္ခကြောင့် ရဲတပ်ဖွဲ့ဝင် ၉ ဦးနဲ့ ရေမဆေးသမား ၅ ဦး ဒဏ်ရာရရှိခဲ့ပြီး ရေမဆေးသမား ၃ ဦးသေဆုံးခဲ့ပါတယ်။

အဲဒီကိစ္စကို စုံစမ်းစစ်ဆေးဖို့ တိုင်းဒေသကြီးအစိုးရက စစ်ကိုင်းတိုင်းဒေသကြီး ဒုတိုင်းဒေသကြီးရဲတပ်ဖွဲ့မှူး ရဲမှူးကြီးကျော်ကျော်ထွန်း ဦးဆောင်ပြီး လွှတ်တော်ကိုယ်စားလှယ်တွေ၊ ဥပဒေပညာရှင်တွေ၊ သတ္တုတွင်းနဲ့ သဘာဝပတ်ဝန်းကျင်ထိန်းသိမ်းရေးဦးစီးဌာနက တာဝန်ရှိသူတွေပါဝင်တဲ့အဖွဲ့ကို ဖွဲ့စည်းပြီး စစ်ဆေးခိုင်းထား တာ ဖြစ်ပါတယ်။