ထိုင်းမှာ တရားမဝင် အလုပ်သမား ၃၀၀ ကျော် ဖမ်းဆီး

ထိုင်းနိုင်ငံ ဘန်ကောက်မြို့အနီးရှိ ချွန်ဘူရီခရိုင် ဖတ်ထရားမြို့က ဆောက်လုပ်ရေးလုပ်ငန်းတစ်ခုကို မနေ့ မနက်ပိုင်းက အာဏာပိုင်တွေ ဝင်ရောက် စစ်ဆေးခဲ့ရာမှာ မြန်မာတွေ အပါအဝင် တရားမဝင် နိုင်ငံခြားသား အလုပ်သမား ၃၀၀ ကျော်ကို ဖမ်းဆီးမိခဲ့တယ်လို့ သိရပါတယ်။

မြန်မာအလုပ်သမားအရေး ကူညီဆောင်ရွက်ပေးနေတဲ့ ထိုင်းနိုင်ငံတောင်ပိုင်း ဖန်ငခရိုင်က ပညာရေးနဲ့ ဖွံ့ဖြိုးတိုးတက်ရေး ဖောင်ဒေးရှင်းအဖွဲ့က ကိုမင်းဦး က "ဒီအထဲမှာ လုပ်နေတဲ့လူတွေကတော့ အများကြီးပဲ၊ ဒီအလုပ်သမားတွေက အဲဒီ အများကြီးထဲမှာမှ ခုနပြောတဲ့ စစ်လို့မိတာက ၃၀၀ ကျော် ဘာအထောက် အထားမှ မရှိဘူးဆိုတာမျိုး မိတာ၊ အဓိကကတော့ အဲ့ဖက်အခြမ်းက များသောအားဖြင့် ကမ်ပူချားတွေ များတယ်၊ ကျနော်တို့ မြန်မာတွေ ရှိတယ်၊ တတိယလိုက်တာကတော့ လာအို ပေါ့နော်။" လို့ ပြောတယ်။