တပ်မတော်ရဟတ်ယာဉ်တစ်စင်း ပျက်ကျ


2016.04.26
helicopter-crashes-620.jpg ဧပြီလ ၂၆ ရက်နေ့က ပျက်ကျသွားတဲ့ တပ်မတော်ရဟတ်ယာဉ်ရဲ့ အပိုင်းအစတချို့ကို တွေ့ရစဉ်
Photo: တပ်မတော် ကာကွယ်ရေးဦးစီးချုပ်ရုံး/ Facebook

ဒီကနေ့ မနက်ပိုင်းက တပ်မတော်ရဟတ်ယာဉ်တစ်စင်း လေ့ကျင့်ပျံသန်းစဉ် မုန်တိုင်ဆည်အတွင်း ထိုးဆင်းပျက်ကျသွားခဲ့တယ်လို့ အစိုးရ စစ်တပ်ပိုင် မြဝတီသတင်းဌာနက ဖော်ပြပါတယ်။

မိတ္ထီလာတပ်နယ်၊ လေကြောင်းအတတ်သင်လေတပ်စခန်းဌာနချုပ်မှ Bell-206 အမျိုးအစား ရဟတ်ယာဉ်တစ်စီးဟာ လေ့ကျင့်ပျံသန်းစဉ် စက်ချို့ယွင်းမှုကြောင့် မန္တလေးတိုင်းဒေသကြီး၊ မိတ္ထီလာမြို့ မုန်တိုင်ဆည်ထဲကို ထိုးဆင်းပျက်ကျခဲ့တာလို့ ဆိုပါတယ်။

အဲဒီရဟတ်ယာဉ်ကို မောင်းနှင်တဲ့ ဗိုလ်မှူး ဝင်းအောင်နှင့် ဗိုလ်မှူး ခွန်ကျော်လှိုင်တို့ကို ဆည်ထဲမှာ အလုပ်လုပ်နေတဲ့ တံငါသည်တွေက ဆယ်ယူပြီး၊ မျက်နှာမှာ ပွန်းပဲ့ဒဏ်ရာအနည်းငယ်ရရှိထားတဲ့ သူတို့နှစ်ဦးကို ဆေးရုံကို ပို့ပေးခဲ့တယ်လို့ သိရပါတယ်။

ရဟတ်ယာဉ်ပျက်ကျမှု ဖြစ်စဉ်အသေးစိတ်ကို စုံစမ်းစိစစ်နေဆဲလို့လည်း သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။