မြန်မာနိုင်ငံက ငါးတွေကို မဏိပူရ်ပြည်နယ်ကို ပို့မည်

အိန္ဒိယနိုင်ငံ မဏိပူရ်ပြည်နယ်မှာ နှစ်စဉ်ငါးလိုအပ်မှု ရှိနေတဲ့အတွက် မြန်မာနိုင်ငံကငါးတွေ ဝယ်ယူတင်သွင်းဖို့ ပြည်နယ်ရဲ့ မွေးမြူရေးနဲ့ ရေလုပ်ငန်းဌါနက ပြည်နယ်အစိုးရကို အဆိုပြုထားတယ်လို့ သိရပါတယ်။

မဏိပူရ်ပြည်နယ်အတွင်း နှစ်စဉ်ငါးစားသုံးမှုတန်ချိန် ၃ သောင်းခွဲလောက်ရှိနေပေမယ့်၊ ဒေသတွင်း ထုတ်လုပ်နိုင်စွမ်းက တန်ချိန် ၂ သောင်း ၄ ထောင်လောက်ပဲရှိနေလို့ တန်ချိန် ၁ သောင်း ၁ ထောင်လောက် အမြဲလိုအပ်နေတယ်လို့ ဆိုပါတယ်။ ဒေသတွင်း ငါးမွေးသူတွေအနေနဲ့ သိပ္ပံနည်းကျ ငါးမွေးမြူရေးအတွက်လဲ နည်းပညာအခက်အခဲရှိနေတယ်လို့ သိရပါတယ်။

မဏိပူရ်ပြည်နယ်သားအများစုဟာ ငါးအများဆုံးစားကြတယ်လို့ ဆိုပါတယ်။ ဒါကြောင့် စားသုံးမှု ပမာဏပြည့်မီအောင် မြန်မာနိုင်ငံဘက်ကနေ ဘယ်လိုပုံစံမျိုးနဲ့ ဝယ်ယူတင်သွင်းနိုင်မလဲဆိုတာကို မွေးမြူရေးဌါန အနေနဲ့ ပြည်နယ်အစိုးရနဲ့ ပူးပေါင်းဆောင်ရွက်နိုင်မယ့် နည်းလမ်းတွေ ရှာနေတယ်လို့ သိရပါတယ်။