NLD လွှတ်တော်အမတ် ဒေါ်ဝင်းမြမြ ထောင်ဒဏ် ၃ နှစ် ချမှတ်ခံရ
NLD ပါတီက မန္တလေးတိုင်း စဉ့်ကိုင်မြို့နယ် ပြည်သူ့လွှတ်တော် မဲဆန္ဒနယ်ကနေ ဝင်ပြိုင်မယ့် ကိုယ်စားလှယ်လောင်း ဒေါ်ဝင်းမြမြ ကို တွေ့ရစဉ်
Photo: Daw Win Mya Mya's FB
အမျိုးသားဒီမိုကရေစီအဖွဲ့ချုပ် NLD ပါတီရဲ့ ၂ဝ၂ဝ ရွေးကောက်ပွဲအနိုင်ရ လွှတ်တော်ကိုယ်စားလှယ် ဒေါ်ဝင်းမြမြကို ပုဒ်မ ၅ဝ၅ - ကနဲ့ စစ်ကောင်စီက ဇွန်လ ၂၉ ရက်နေ့ မနေ့က အလုပ်နဲ့ ထောင်ဒဏ် ၃ နှစ် ချမှတ်လိုက်ပါတယ်။
ဒေါ်ဝင်းမြမြကို ဆန္ဒပြရန်ဦးဆောင်မှုနဲ့ မနှစ်က ဖေဖော်ဝါရီ ၂၇ ရက်နေ့မှာ စစ်ကောင်စီက ဖမ်းဆီးခဲ့ပြီး အိုးဘိုအကျဉ်းထောင်မှာ ထိန်းသိမ်းခဲ့တာပါ။ မန္တလေးမြို့ တရုတ်ကောင်စစ်ဝန်ရုံးအနီး ၇၃ လမ်းနဲ့ သိပ္ပံလမ်းထောင့်မှာ ဖေဖော်ဝါရီ ၁၈ ရက်နေ့က လူထုဆန္ဒပြပွဲမှာ ဒေါ်ဝင်းမြမြ ပါဝင်ခဲ့ပါတယ်။
ဒေါ်ဝင်းမြမြဟာ အသက် ၇၃ နှစ်အရွယ်ရှိပြီး အစ္စလာမ်ဘာသာဝင်တစ်ဦး ဖြစ်ပါတယ်။ သူ့မှာ အရိုးအဆစ်နာရောဂါနဲ့ ဆီးချိုရောဂါ အခံရှိသလို မျက်လုံးခွဲစိတ်မှုလည်း ခံယူထားရပါတယ်။
သူဟာ ၁၉၈၈ စစ်တပ်အာဏာသိမ်းပြီးနောက်ပိုင်း နိုင်ငံရေးလှုပ်ရှားမှုတွေကြောင့် မကြာခဏ ဖမ်းဆီးခံရဖူးပြီး ၂ဝ၂ဝ ရွေးကောက်ပွဲမှာ မန္တလေးတိုင်း ကျောက်ဆည်ခရိုင်၊ စဉ့်ကိုင်မြို့နယ် ပြည်သူ့လွှတ်တော်နေရာအတွက် မဲအပြတ်အသတ် အနိုင်ရခဲ့သူဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)