မင်းတပ်မြို့ခံ အမျိုးသမီးနှစ်ဦးကို စစ်ကောင်စီတပ် ဖမ်းဆီး
2024.05.09
စစ်ကောင်စီတပ်ဖွဲ့ဝင်များအား မင်းတပ်မြို့တွင် ၂၀၂၁ ခုနှစ်၊ မတ်လ ၈ ရက်နေ့က တွေ့ရစဉ်။
Photo: RFA
ချင်းပြည်နယ်တောင်ပိုင်း မင်းတပ်မြို့မှာ စစ်ကောင်စီတပ်က ဒေသခံ အမျိုးသမီးနှစ်ဦးကို မေလ ၈ ရက် မနေ့က ဖမ်းဆီးသွားတယ်လို့ ဒေသခံတွေက ပြောပါတယ်။
အဲဒီ အမျိုးသမီးနှစ်ဦးဟာ မှတ်ပုံတင်လုပ်ဖို့အတွက် သွားရာမှာ မြို့နယ်အထွေထွေအုပ်ချုပ်ရေးမှူး ရုံးအနီးမှာ တပ်စွဲထားတဲ့ စစ်ကောင်စီတပ်သားတွေက ဖမ်းဆီးခဲ့တာဖြစ်ပြီး အကြောင်းရင်းကို မသိရသေးဘူးလို့ လုံခြုံရေးအရ အမည်မဖော်လိုတဲ့ ဒေသခံ တစ်ဦးက ပြောပါတယ်။
"အဲဒီ စကစ စစ်ဆေးရေးဂိတ်မှာ အမြဲတမ်းစစ်ဆေးရေးတွေ လုပ်နေကျ။ အခုက သူတို့ ဘာကြောင့်ဖမ်းတာလဲ မသိရသေးဘူး။ စုံစမ်းလို့လည်း မရသေးဘူး။ ခလရ (၂၇၄) ကို ခေါ်သွားကြတာ"
ဖမ်းဆီးခံထားရတဲ့ အမျိုးသမီးတွေရဲ့ အမည်နဲ့ အသက်ကိုတော့ မသိရသေးပါဘူး။ သူတို့ကို မင်းတပ်မြို့ အခြေစိုက် ခလရ (၂၇၄) တပ်ရင်းမှာ ဖမ်းဆီးထားပြီး ဒီနေ့မနက်အထိ ပြန်မလွှတ်သေးဘူးလို့ ဒေသခံတွေက ပြောပါတယ်။
ဒီကိစ္စနဲ့ပတ်သက်လို့ အသေးစိတ်မေးမြန်းနိုင်ဖို့ စစ်ကောင်စီရဲ့ ချင်းပြည်နယ် ပြောခွင့်ရ ပြည်နယ်အတွင်းရေးမှူး ဦးအောင်ချိုကို RFA က ဆက်သွယ်ခဲ့ပေမယ့် ဖုန်းလက်ခံဖြေကြားတာ မရှိပါဘူး။
စစ်တပ် အာဏာသိမ်းတဲ့ သုံးနှစ်ကျော်အတွင်း မင်းတပ်မြို့မှာ ဒေသခံ တစ်ရာကျော် ဖမ်းဆီးထိန်းသိမ်းခံထားရဆဲ ဖြစ်တယ်လို့ မင်းတပ် CDF အဖွဲ့က ထုတ်ပြန်ထားပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- မြန်မာမှာ စစ်အာဏာရှင်စနစ်အဆုံးသတ်မှ နျူကလီးယားကိစ္စပြုလုပ်ဖို့ နိုင်ငံတကာကို ဦးကျော်မိုးထွန်းတိုက်တွန်း
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)