မြန်မာနိုင်ငံကို ဒေါ်လာငွေလွှဲပြောင်းမှု တောင်ကိုရီးယား ဘဏ်ရပ်ဆိုင်း

ကိုးရီးယားနိုင်ငံရဲ့ အကြီးဆုံး နိုင်ငံခြားငွေ လဲလှယ်ရေးဘဏ်ဖြစ်တဲ့ Korea Exchange Bank က အခုလို ထုတ်ပြန်လိုက်တာပါ ။ ဒီဆုံးဖြတ်ချက်ကို လာမဲ့ အောက်တိုဘာလမှာ စတင် အကောင်အထည်ဖော်မှာ ဖြစ်တယ်လို့ သိရပါတယ် ။ Korea Exchange Bank ဟာ အမေရိကန် ဘဏ်ကော်ပိုရေးရှင်းတခုက ထိန်းချုပ်ထားတဲ့ ဘဏ် ဖြစ်ပါတယ် ။

မြန်မာနိုင်ငံကို ဒေါ်လာလွှဲတာအပြင် မြန်မာနိုင်ငံကနေ တောင်ကိုရီးယားကို ဒေါ်လာငွေ လွှဲပြောင်းတဲ့ ကိစ္စကိုလည်း ရပ်ဆိုင်းထားမှာ ဖြစ်တယ်လို့ သိရပါတယ် ။

အခု ရပ်ဆိုင်းမဲ့ အထဲမှာ ဥရောပက ယူရိုစတဲ့ တခြားနိုင်ငံခြားငွေတွေတော့ မပါဝင်ဘူးလို့ သိရပါတယ်။