မြောက်ကိုရီးယား လုပ်ကြံမှုကြောင့် ကျဆုံးသူတွေအတွက် အထိမ်းအမှတ် ထားရှိမည်

၁၉၈၃ ခုနှစ်က ရန်ကုန်မြို့ အာဇာနည်ဗိမ္ဗာန် မှာ တောင်ကိုရီယား အစိုးရအဖွဲ့ဝင်တွေ ဗုံးခွဲတိုက်ခိုက်ခံရမှုနဲ့ ပတ်သက်ပြီး အောက်မေ့ဖွယ် အထိမ်းအမှတ်တခုထားရှိဖို့ မြန်မာနဲ့ တောင်ကိုးရီးယား အစိုးရတို့ သဘောတူညီလိုက်တယ်လို့ သိရပါတယ်။

2013.01.15

တောင်ကိုရီးယားသမ္မတ ချန်ဒူးဝှမ်နဲ့ အစိုးရဝန်ကြီးတွေ အာဇာနည်ကုန်းကို လာရောက်အလေးပြုချိန် မှာ မြောက်ကိုရီးယား အထူးကွန်မန်ဒို တပ်ဖွဲ့ဝင်တွေရဲ့ ဗုံးခွဲလုပ်ကြံမှုကြောင့် တောင်ကိုးရီးယား ဒု-သမ္မတ နဲ့ နိုင်ငံခြားရေးဝန်ကြီး အပါအဝင် အရာရှိ ၁၇ ဦး သေဆုံးခဲ့ပါတယ်။

ဗုံးကွဲခဲ့တဲ့နေရာနဲ့ မလှမ်းမကမ်းက စတုရန်းမီတာ ၂၆ဝရှိတဲ့ မြေကွက်လပ်ကို အထိမ်းအမှတ်နေရာဆောက်လုပ်ဖို့ မြန်မာအစိုးရက ခွင့်ပြုထားတယ်လို့ သံတမန်သတင်းတွေကို ကိုးကားပြီး ဒီကနေ့ထုတ် Chosun သတင်းမှာ ဖော်ပြထားပါတယ်။

အဲဒီအထိမ်းအမှတ်ကို ဗုံးကွဲခဲ့တဲ့ အနှစ် ၃ဝမြောက်ဖြစ်တဲ့ လာမယ့် အောက်တိုဘာ ၉ရက်နေ့မှာ ဖွင့်လှစ်နိုင်ဖို့ တောင်ကိုးရီးယားက စီစဉ်နေတယ်လို့လည်း သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။