မြိုင်ကြီးငူစခန်းမှာ ရိက္ခာပြတ်နေ


2017.09.28
karen-refugees-622.jpg မြိုင်ကြီးငူဒေသက ဒုက္ခသည်စခန်းမှာ ခိုလှုံနေသူတွေကို တွေ့ရစဉ်
Photo: Kyaw Lwin Oo/RFA

ကရင်ပြည်နယ် လှိုင်းဘွဲ့မြို့နယ် မြိုင်ကြီးငူဒေသက လူ ၅၅၀၀ ကျော်ရှိတဲ့ ဒုက္ခသည်စခန်းမှာ စားနပ်ရိက္ခာ ပြတ်နေတာ ၃ ရက်လောက်ရှိနေပြီဖြစ်တယ်လို့ စခန်းတာဝန်ခံ ဦးထွန်းက ပြောပါတယ်။

လက်ရှိမှာ မြိုင်ကြီးငူဆရာတော်ကြီးဆီက ဆန်အိတ် ၂၀၀ ချေးထားပြီး ဒုက္ခသည်တွေကို ကျွေးမွေးနေရတယ်လို့ ဦးထွန်း က ပြောပါတယ်။

"ရိက္ခာကတော့ မရှိတော့ဘူးလေ၊ ၂ ရက် ၃ ရက်လောက်ရှိနေပြီ၊ ကုန်သွားတာ၊ ဆရာတော်ဆီက အခု လောလောဆယ်တော့ ၂၀၀ ချေးထားတယ်၊ ၃၀ တော့ကုန်သွားပြီ၊ အစိုးရဘက်မှာလည်း တင်ပြတာပဲ၊ ပုဂ္ဂလိကဘက်မှာလည်း တင်ပြနေတာပဲ၊ စားဖို့သောက်ဖို့က လူကြီးပိုင်းက တစ်ယောက်မှလည်း မပေါ် လာသေးဘူး"

စခန်းမှာ တစ်ရက်ကို ဆန်အိတ် ၃၀ ကုန်နေတာကြောင့် ဒီချေးထားတဲ့ ဆန်အိတ်တွေ ကုန်သွားရင် ဘာဆက်လုပ်ရ မလဲ မသိသေးဘူးလို့လည်း ဦးထွန်း က ပြောပါတယ်။

လက်ရှိအချိန်မှာလည်း ဒုက္ခသည်တွေရဲ့ မူရင်းနေရပ်ဖြစ်တဲ့ မဲသဝေါဒေသမှာ မကြာမကြာ တိုက်ပွဲတွေ ပြန်ဖြစ်နေ တယ်လို့ ကြားသိရကြောင်းလည်း ပြောပါတယ်။

အဲဒီဒုက္ခသည်တွေဟာ လွန်ခဲ့တဲ့ ၂၀၁၆ ခုနှစ် စက်တင်ဘာလလောက်က ကရင်ပြည်နယ် မဲသဝေါဒေသမှာ တပ်မတော်နဲ့ နယ်ခြားစောင့်တပ်ဖွဲ့ BGF တို့ ပူးပေါင်းတဲ့အဖွဲ့နဲ့ DKBA ခွဲထွက်အဖွဲ့တို့ တိုက်ပွဲတွေ ဖြစ်ပွားခဲ့ တာကြောင့် ထွက်ပြေးလာကြတာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။