H1N1 နဲ့ သေဆုံးသူ ၁၂ ဦးအထိ ရှိ


2017.07.31
h1n1-prevent-622.jpg ရာသီတုပ်ကွေးကို ကြိုတင်ကာကွယ်တဲ့အနေနဲ့ ကျောင်းသားတွေ နှာခေါင်းစည်းတပ်ဆင်ထားသည်ကို တွေ့ရစဉ်
Photo: Kaung Htet Kyaw/ RFA

ဇူလိုင်လ ၂၁ ရက်နေ့ကနေ ဒီနေ့ ၃၁ ရက်နေ့အထိ တစ်နိုင်ငံလုံးအတိုင်းအတာနဲ့ ရာသီတုပ်ကွေး ရောဂါပိုးတွေ့ရှိ သူ ၆၂ ဦးနဲ့ သေဆုံးသူ ၁၂ ဦးအထိ ရှိလာ ပြီဖြစ်တယ်လို့ သိရပါတယ်။

ဒီနေ့ မွန်းလွဲ ၂ နာရီအထိ ရရှိတဲ့ နောက်ဆုံးအခြေအနေကို ပြည်သူ့ကျန်းမာရေးဦးစီးဌာန ဒုတိယ ညွှန်ကြားရေးမှူး ချုပ် ဒေါက်တာသန်းထွန်းအောင် က RFA ကို အခုလိုပြောပါတယ်။

"ကျနော်တို့ နောက်ဆုံးအခြေအနေပေါ့နော်၊ ၃၁ ရက်နေ့ မွန်းလွဲ ၂ နာရီအထိရရှိတဲ့ စာရင်းဇယားများအရ ပြင်းထန်အဆုတ်ရောင်ရောဂါနဲ့ ဆေးရုံတက်သူပေါင်း  ၂၁၃ ဦး၊ ရာသီတုပ်ကွေးပိုး တွေ့သူပေါင်း ၆၂ ဦး၊ ဓါတ်ခွဲ အတည်ပြုပြီးမှ  ရာသီတုပ်ကွေးရောဂါနဲ့ သေဆုံးသူပေါင်း ၁၂ ဦး ရှိပါတယ်"

ရာသီတုပ်ကွေးရောဂါပိုးဆိုတာဟာ ပြင်းထန်အဆုတ်ရောင်ဖြစ်စေတဲ့ ရောဂါပိုးတွေထဲက တစ်ခုဖြစ်တယ်လို့ လည်း ဒေါက်တာသန်းထွန်းအောင် က ပြောပါတယ်။

မြန်မာနိုင်ငံမှာ ရာသီတုပ်ကွေးကြောင့် သေဆုံးသူတွေဟာ သက်လတ်ပိုင်းအရွယ်တွေ အများဆုံးပါဝင်နေတာဖြစ် ပါတယ်။

အလားတူ လတ်တလောမှာ တရုတ်၊ အိန္ဒိယ၊ ထိုင်း၊ စင်္ကာပူ၊ ကမ္ဘောဒီးယား၊ ဘင်္ဂလားဒေ့ရှ် စတဲ့ ဒေသတွင်းနိုင် ငံတွေမှာလည်း ရာသီတုပ်ကွေးဖြစ် ပွားနေတာ ဖြစ်ပါတယ်။

ပြည်သူတွေအနေနဲ့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားတဲ့ ကြိုတင်ကာကွယ်ရေး နှိုးဆော် ချက်တွေကို လိုက်နာဆောင်ရွက်မယ် ဆိုရင် ရောဂါဖြစ်ပွားမှုကို ကြိုတင်ကာကွယ်ကုသနိုင်မှာ ဖြစ်တဲ့အတွက် မစိုးရိမ်ကြဖို့လည်း ဒေါက်တာသန်းထွန်းအောင် က ပြောပါတယ်။

မြန်မာနိုင်ငံမှာ H1N1 ရာသီတုပ်ကွေးရောဂါ ဖြစ်ပွားနေတာနဲ့ ပတ်သက်ပြီး လိုအပ်တဲ့အကူအညီပေးဖို့ WHO ကမ္ဘာ့ကျန်းမာရေးအဖွဲ့ချုပ်ကို တောင်းခံထားပြီလို့ လည်း သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။