တရုတ် - မြန်မာ နယ်စပ်မှာ အစိုးရတပ်နဲ့ ကေအိုင်အေ တိုက်ပွဲဖြစ်

ကေအိုင်အေနဲ့ ပတ်သက်မှုရှိတယ်လို့ယူဆရတဲ့ တရုတ်စကား ပြောတဲ့ လက်နက်ကိုင်အဖွဲ့တွေ ကေအိုင်အေ တပ်ရင်း ၃ နယ်မြေထဲမှာ ရောက်ရှိနေတာနဲ့ ဆက်စပ်ပြီးတော့ တိုက်ပွဲတွေဖြစ်တာလို့လည်း ဒေသခံတွေ က ပြောကြပါတယ်။

အစိုးရတပ်မတော်က စစ်ရေးလှုပ်ရှားမှုတွေမရှိရင် တိုက်ပွဲတွေဖြစ်မှာမဟုတ်ကြောင်းနဲ့ တရုတ် စကားပြော လက်နက်ကိုင်အဖွဲ့ဟာ ကေအိုင်အေနဲ့ ပတ်သက်မှု မရှိဘူးလို့ ကေအိုင်အို ပဋိပက္ခညှိနှိုင်းရေးအဖွဲ့ဝင် ဗိုလ်မှူးကြီးနော်လီက ပြောပါတယ်။

အစိုးရတပ်မတော် နဲ့ ကေအိုင်အေတပ်ဖွဲ့တွေဟာ ဧရာဝတီမြစ်အရှေ့ဘက်ခြမ်း တရုတ်-မြန်မာနယ်စပ် ဆဒုံး-ကန်ပိုက်တီ နဲ့ လိုင်ဇာဒေသတစ်ဝိုက်၊ ဧရာဝတီမြစ် အနောက်ဘက်ခြမ်း ဟူးကောင်းလွင်ပြင်နဲ့ ကာမိုင်း လွင်ပြင်ဒေသတွေမှာ ဇူလိုင်လကုန်ပိုင်းကစပြီး တိုက်ပွဲတွေဖြစ်နေတာပါ။

အဲ့ဒီတိုက်ပွဲတွေမှာ ပြည်သူနဲ့ လူနေအိမ်တချို့ ထိခိုက်ဒဏ်ရာရရှိနေတဲ့အတွက် ရှမ်းတိုင်းရင်းသား အများစုပါဝင် တဲ့ ဒေသခံတွေစုပေါင်းပြီး မြေမြုပ်မိုင်းတွေ မထောင်ဖို့နဲ့ ငြိမ်းချမ်းရေးအမြန်ဆုံးရအောင် ဆွေးနွေးကြဖို့ ဆန္ဒပြတောင်းဆိုခဲ့ကြပါတယ်။