လျှပ်စစ် တစ်ယူနစ်ပိုရောင်းရတိုင်း ပိုပြီး အရှုံးပေါ်ကြောင်း ဒုတိယ ဝန်ကြီးပြော

လျှပ်စစ်ဓာတ်အား တစ်ယူနစ်ရောင်းတိုင်း အစိုးရက ငွေ ၂၃ ကျပ် အရှုံးပေါ်နေကြောင်း လျှပ်စစ်နဲ့ စွမ်းအင် ဝန်ကြီးဌာန ဒုတိယဝန်ကြီး ဒေါက်တာထွန်းနိုင် က ပြည်ထောင်စုလွှတ်တော်မှာ ဒီကနေ့ ပြောကြားခဲ့ပါတယ်။

၂၀၁၇ -၂၀၁၈ ဘဏ္ဍာရေးနှစ် အမျိုးသားစီမံကိန်း ဥပဒေကြမ်းနဲ့ပတ်သက်ပြီး လွှတ်တော်ကိုယ်စားလှယ်တွေ ရဲ့ ဆွေးနွေးချက်တွေကို ပြန်လည်ရှင်းလင်းရာမှာ ဒုတိယဝန်ကြီး ဒေါက်တာထွန်းနိုင် က ထည့်သွင်းပြောကြားခဲ့ တာ ဖြစ်ပါတယ်။

"အရှုံးဖြစ်ပေါ်ရခြင်း အကြောင်းရင်းက လျှပ်စစ်တစ်ယူနစ် ထုတ်လုပ်မှု ကုန်ကျစရိတ်သည် ပျမ်းမျှအားဖြင့် ၇၇.၂၅ ကျပ်ဖြစ်ပြီး ရောင်းချရသည့် ဈေးနှုန်းသည် ပျဉ်းမျှ ၅၄.၁၅ ကျပ်ဖြစ်ပါ၍ ဓါတ်အားပိုမိုထုတ်လုပ်ရောင်းချရတိုင်း အရှုံးပိုမိုများပြားလာသည့်အတွက် ယခင်နှစ်ထက်ပိုမိုလျာထားရခြင်းဖြစ်ပါတယ်"