မူးယစ်သတင်းပေးသူကို ဆုကြေး ကျပ်သိန်း ၁၃၀ အနည်းဆုံးပေးမည်

နေပြည်တော်က မြန်မာအပြည်ပြည်ဆိုင်ရာ ကွန်ဗန်းရှင်းစင်တာ ၂ မှာ သတင်းထောက်တွေကို ဦးဇော်ဌေး က ပြောပါတယ်။

မူးယစ်ဆေးဝါးရောင်းဝယ်ဖောက်ကားသူဆီက သိမ်းဆည်းရမိတဲ့ ပိုင်ဆိုင်မှုတွေကို ထုခွဲရောင်းချပြီး သတင်းပေးသူ ကို ၁၀ ရာခိုင်နှုန်း၊ ဖမ်းဆီးတဲ့ တပ်ဖွဲ့ကို ၂၀ ရာခိုင်နှုန်းနဲ့ နိုင်ငံတော်က ၇၀ ရာခိုင်နှုန်း ရရှိမှာဖြစ်တယ်လို့ ပြောပါတယ်။

ဆုကြေးရရှိသူဟာ အခွန် ကင်းလွတ်ခွင့်ရရှိမှာဖြစ်သလို ပိုင်ဆိုင်မှုတွေကို တန်ဖိုးသင့်နေတဲ့ကာလမှာ နိုင်ငံတော်က စိုက်ထုတ်ပေးထားမယ်လို့လည်း ပြောပါတယ်။

သတင်းပေးသူတွေရဲ့ လုံခြုံရေးအတွက် သတင်းပေါက်ကြားမှုမရှိအောင် ဆောင်ရွက်မှာဖြစ်ပြီး ဗဟိုအဖွဲ့ရဲ့အောက် မှာ အရာရှိအဆင့် အများစုပါဝင်တဲ့ မူးယစ်ဆေးဝါးတားဆီးနှိမ်နင်းရေးအထူးအဖွဲ့က ဆောင်ရွက်မယ်လု့ိ သိရပါတယ်။

သမ္မတရုံးမှာ ဖွင့်ထားတဲ့ မူးယစ်ဆေးဝါး အထူးသတင်းပေး တိုင်ကြားရေးဌာနကို တိုင်ကြားလာတဲ့ အချက်အလက် တွေကို သမ္မတရုံး အမြဲတမ်း အတွင်းဝန်ကတဆင့် သမ္မတထံတင်ပြပြီး သမ္မတက အထူးတပ်ဖွဲ့ကို တိုက်ရိုက် အမိန့်ပေး ဆောင်ရွက်စေမှာ ဖြစ်ပါတယ်။