ထားဝယ်ခရိုင် ဗကသအဖွဲ့ချုပ် ရေဘေးဒုက္ခသည်တွေကို ကူညီ

တနင်္သာရီတိုင်း ထားဝယ်မြို့မှာ ရေကြီးနေတဲ့အတွက် အခက်အခဲဖြစ်နေတဲ့ ပြည်သူတွေကို ဗမာ နိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် ထားဝယ်ခရိုင်က စားနပ်ရိက္ခာနဲ့ ကျန်းမာရေးကိစ္စတွေ ကူညီနေတယ်လို့ သတင်းရရှိပါတယ်။

2012.07.30
dawei-flood-b305 တနင်္သာရီတိုင်း ထားဝယ်မြို့တွင် ရေကြီးနေ၍ အခက်အခဲဖြစ်နေသော ပြည်သူများကို ထားဝယ်ခရိုင် ဗကသ အဖွဲ့ချုပ်က ကူညီနေစဉ်။
Photo:ABFSU

အဲဒီမှာ မိုးများပြီး ရေကြီးနေတာ ၃ ရက်လောက် ရှိနေပြီး မြို့ခံတွေရဲ့ အခက်အခဲကို ကူညီနေတာလို့ ဗကသများ အဖွဲ့ချုပ် ထားဝယ်ခရိုင် ဒု-ဥက္ကဋ္ဌ မဝင့်ဝါကျော်က RFA ကို ပြောပါတယ်။

ထားဝယ်မြို့ပေါ်မှာ ၄ ပေကျော်လောက် ရေတက်နေပြီး များသောအားဖြင့် အိမ်အောက်ထပ်တွေမှာ နေလို့မရတော့ဘဲ အပေါ်ထပ်တွေမှာ နေကြရတယ်လို့ ဆိုပါတယ်။

အဲဒီ ဒုက္ခရောက်နေသူတွေကို ဗကသများ အဖွဲ့ချုပ်ဝင် ကျောင်းသားတွေအပြင် NLD အမျိုးသား ဒီမိုကရေစီ အဖွဲ့ချုပ်နဲ့ ဒေသခံ လူမှုရေး အသင်းအဖွဲ့တွေရော ကြံ့ခိုင်ဖွံ့ဖြိုးရေး ပါတီဝင်တွေကပါ အစားအသောက်တွေ လိုက်ကူညီနေတယ်လို့လည်း မဝင့်ဝါကျော်ကပြောပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။