မြန်မာနိုင်ငံအပေါ် စီးပွားရေးပိတ်ဆို့မိန့် ကနေဒါ ဖယ်ရှားဦးမည် မဟုတ်
2011.07.26
ကနေဒါ နိုင်ငံခြားရေး ဝန်ကြီးဟာ အင်ဒိုနီးရှားနိုင်ငံမှာ ကျင်းပတဲ့ ARF အရှေ့တောင် အာရှ ဒေသတွင်း လုံခြုံရေး အစည်းအဝေး သွားတက်ရင်း ဒီကိစ္စကို အလွတ်သဘော ပြောကြားခဲ့တာ ဖြစ်ပါတယ်။
ဒီလို ပြောဆိုချက် အပေါ်မှာ CFOB ကနေဒါ မြန်မာ့ မိတ်ဆွေများအဖွဲ့က တာဝန်ခံ ကိုတင်မောင်ထူးက -
ကနေဒါအစိုးရရဲ့ ဆက်ဆံရေး မြှင့်တင်သွားမယ် ဆိုတဲ့အပေါ်မှာ သူ့အနေနဲ့ ထူးခြားလှတဲ့ ခြေလှမ်းတရပ်အဖြစ် မမြင်ကြောင်း၊ တဖက်က အရေးယူမှုတွေ ထားရှိချိန်မှာ အပြောင်းအလဲ အတွက် စကားပြောဖို့ လိုတယ်လို့ ထင်မြင်ကြောင်း၊
ကနေဒါနိုင်ငံဟာ မြန်မာနိုင်ငံအပေါ် အပြင်းထန်ဆုံး ပိတ်ဆို့ ပစ်ဒဏ်ခတ်ထားတဲ့ နိုင်ငံတွေထဲမှာ ပါဝင်ကြောင်း၊ ပိတ်ဆို့မှုကြောင့် ရရှိလာတဲ့ ရလဒ်ကိုလည်း သုံးသပ်ဖို့ လိုသလို အနီးကပ် ဆက်ဆံရေးလို တခြား နည်းလမ်းတွေကို အသုံးပြုဖို့ လိုအပ်ကြောင်း ပြောသွားပါတယ်။
ကနေဒါ နိုင်ငံခြားရေး ဝန်ကြီး ပြောသွားတဲ့ အထဲမှာ မြန်မာ အစိုးရကို အကန့်အသတ်နဲ့ ဆက်ဆံရာမှာ အထူးသဖြင့် လူ့အခွင့်အရေး ကိစ္စကို အလေးပေး ဆက်ဆံ ပြောဆိုသွားမယ်လို့လည်း ထည့်သွင်း ပြောကြားသွားပါတယ်။
ကနေဒါနိုင်ငံက မြန်မာနိုင်ငံ အပေါ် စီးပွားရေး ပိတ်ဆို့မှု ကို ၂၀၀၇ ခုနှစ်က စတင်အကောင်အထည်ဖေါ် ဆောင်ရွက်ခဲ့တာ ဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ