ကြားဖြတ်ရွေးကောက်ပွဲ ဧပြီလမှာ ကျင်းပမယ်

ဒီသတင်းကို မြန်မာအစိုးရပိုင် မီဒီယာတွေက ည ၈ နာရီသတင်းမှာ တရားဝင် ကြေညာခဲ့ပါတယ်။ အာအက်ဖ်အေက ရန်ကုန်တိုင်း ဂျာနယ် အမှုဆောင်အယ်ဒီတာ ဦးကိုကိုနဲ့ ဆက်သွယ်မေးမြန်းပြီး စိတ်ချယုံကြည်ရတဲ့ သတင်းအဖြစ် ဒီကနေ့ ည ၇ နာရီ သတင်းထုတ်လွှင့်ချိန်မှာ ကြေညာခဲ့ပါတယ်။

လာမယ့် ကြားဖြတ်ရွေးကောက်ပွဲမှာ လွှတ်တော်ကိုယ်စားလှယ် နေရာ ၅ဝ ကျော်အတွက် ရွေးချယ်မှာဖြစ်ပြီး အမျိုးသား ဒီမိုကရေစီ အဖွဲ့ချုပ်က လစ်လစ်နေတဲ့ နေရာအားလုံး လိုလိုမှာ ဝင်ရောက်ယှဉ်ပြိုင်မယ်လို့ ပြောဆိုထားပါတယ်။ ဒီရွေးကောက်ပွဲကို တရားမျှတတဲ့ ရွေးကောက်ပွဲတခု ဖြစ်အောင် ကျင်းပပေးဖို့ ပြီးခဲ့တဲ့ရက်ပိုင်းက မြန်မာနိုင်ငံကို သွားရောက်ခဲ့တဲ့ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ ပါအဝင် နိုင်ငံတကာ အသိုင်းအဝိုင်းက တောင်းဆိုထားပါတယ်။ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးကလည်း အခု ကျင်းပမယ့် ကြားဖြတ် ရွေးကောက်ပွဲကို အားနည်းချက်၊ ချွတ်ယွင်းချက်တွေ ပြင်ဆင်ပြီး ပိုမို တရားမျှတစွာ ကျင်းပပေးဖို့ ကြိုးပမ်းမယ့်အကြောင်း ပြောဆိုထားပါတယ်။

အခု ကျင်းပမယ့် ကြားဖြတ်ရွေးကောက်ပွဲနဲ့ ပတ်သက်ပြီး ရန်ကုန်တိုင်း ဂျာနယ် အမှုဆောင်အယ်ဒီတာ ဦးကိုကိုနဲ့ ဆက်သွယ်မေးမြန်းချက် အပြည့်အစုံကို နားဆင်ပါ။

	ဆက်သွယ်မေးမြန်းချက်။
	အသံဖိုင်ယူရန်။