သုခ ကုသိုလ်ဖြစ် ဆေးခန်းအတွက် UAE ရောက် မြန်မာများ ငွေလှူဒါန်း

ဒီအလှူငွေတွေကို ဒီဇင်ဘာ ၂၁ ရက် မနေ့က လက်ခံရရှိခဲ့ကြောင်း ကိုကျော်သူက ပြောပါတယ်၊။

“မနေ့ကပဲ ရပါတယ်၊ ဒေါ်လာ သုံးထောင်တော့ ကျော်တယ်။ Amount တော့ ကျွန်တော် သေသေချာချာ မသိဘူး၊ ဟိုဟာပေါ့ ငွေမကိုင်တော့ ကျွန်တော် မသိဘူး။”

ရုပ်ရှင်မင်းသား ကိုကျော်သူနဲ့ ဇနီးက ရန်ကုန်မြို့ ဒဂုံမြို့သစ်မြောက်ပိုင်းမှာ သုခကုသိုလ်ဖြစ် ဆေးခန်း တည်ဆောက်ပြီး အနယ်နယ်အရပ်ရပ်က လူနာတွေကို အခမဲ့ ဆေးဝါး ကုသပေးနေရာမှာ မျက်စိ ဝေဒနာသည်တွေကိုလည်း စေတနာ ဆရာဝန်တွေနဲ့ ကုသပေးနေပါတယ်။

အခုတော့ မျက်စိခွဲစိတ် ကုသခန်း ဖွင့်လှစ်ပြီး ခွဲစိတ်ရမဲ့ လူနာတွေကိုပါ ကုသပေးနိုင်အောင် တဦးကို ဆယ်ဒေါ်လာနှုန်းနဲ့ လူ ၂၅၀၀ ဆီက အလှူငွေကောက်ခံဖို့၊ အဲဒီ ကောက်ခံရရှိမဲ့ အလှူငွေတွေနဲ့ ခေတ်မီ ခွဲစိတ်ခန်းတခုအတွက် ကိရိယာတွေ ဝယ်နိုင်ဖို့အတွက် လှူဒါန်းကူညီကြဖို့ ဦးကျော်သူ ဆော်သြနေတာ ဖြစ်ပါတယ်။ လိုအပ်တဲ့ပစ္စည်းတွေအတွက် အလှူငွေ အမေရိကန်ဒေါ်လာ ၃ သောင်းနီးပါး လိုအပ်နေကြောင်းလည်း သိရပါတယ်။

မျက်စိခွဲစိတ်ကုသခန်း ဖြစ်မြောက်ရေးအတွက် ကိုကျော်သူ လှုံ့ဆော်ဆောင်ရွက်နေတဲ့ ၁၀ ဒေါ်လာ အလှူငွေ ကောက်ခံရရှိမှု နောက်ဆုံးအခြေအနေအကြောင်း RFA မှ ဒေါ်ခင်ခင်အိက သရုပ်ဆောင် ကိုကျော်သူကို ဆက်သွယ် မေးမြန်းထားပါတယ်။

	ဆက်သွယ်မေးမြန်းချက်
	အသံဖိုင်ယူရန်