မြန်မာ့ဒီမိုကရေစီအရေး ပြည်ပအကူအညီ လိုအပ်လို့ ဒေါ်အောင်ဆန်းစုကြည် ပြောကြား

အမေရိကန် အထက်လွှတ်တော် ရီပတ်ဘလစ်ကန် အမတ်ခေါင်းဆောင် မစ္စတာ မစ်ချ်မက္ကောနယ်ရဲ့ ဖိတ်ကြားချက်အရ အမေရိကန် ပြည်ထောင်စု၊ ကင်တပ်ကီပြည်နယ် လူးဝစ္စဗီးလ်တက္ကသိုလ် “မက္ကော်နယ် ဗဟိုလေ့လာရေးဌာန” မှာ မနေ့က ကျင်းပတဲ့ အခမ်းအနားမှာ ဒေါ်အောင်ဆန်းစုကြည်က အခုလို ပြောလိုက်တာ ဖြစ်ပါတယ်။

အတိတ်ကလို အဆိုးအကောင်း အလွယ်တကူ ခွဲခြားလို့ရတဲ့အချိန် မဟုတ်တဲ့အတွက် ဒီအခြေအနေမျိုးမှာ အဆိုးအကောင်း ခွဲခြားသိမြင် လုပ်ကိုင်နိုင်ဖို့ ဉာဏ်ပညာအားဖြင့် မြန်မာနိုင်ငံကို ဝိုင်းဝန်း အကူအညီပေးကြဖို့ လိုတယ်လို့လည်း ဒေါ်အောင်ဆန်းစုကြည်က ပြောပါတယ်။

“ဘယ်အရာက အမှန်တရားလဲ၊ ဘယ်ဟာက အပေါ်ယံလဲ ဆိုတာကို ခွဲခြားသိနိုင်ဖို့ အရေးကြီးတဲ့ အခြေအနေမျိုး ဖြစ်ပါတယ်။ ဒါဟာ အလွန်တရာခက်ခဲတဲ့ အခြေအနေမျိုး ဖြစ်ပါတယ်” လို့လည်း ပြောပါတယ်။

ဒီအခမ်းအနားကို အထက်လွှတ်တော် အမတ် မစ္စတာ မက္ကောနယ်လည်း တက်ရောက်ပြီး မြန်မာ့အရေး လေ့လာသူတွေ၊ ကင်တပ်ကီပြည်နယ်ရောက် မြန်မာပြည်ဖွား တိုင်းရင်းသားတွေလည်း တက်ရောက်ခဲ့ကြပါတယ်။

စက်တင်ဘာ ၂၄ ရက်နေ့က ကျင်းပတဲ့ ဒီအခမ်းအနားနဲ့ ပတ်သက်ပြီး ဦးကျော်မင်းထွန်းရဲ့တင်ပြချက်ကို နားဆင်ပါ။

	တင်ပြချက်။
	အသံဖိုင်ယူရန်။