ပြည်ပရောက် ဒီမိုကရေစီအင်အားစုများက ရွေးကောက်ပွဲ ဆန့်ကျင်ဆန္ဒပြ
2010.08.16
အမေရိကန်ပြည်ထောင်စု၊ အင်ဒီယာနာပြည်နယ်၊ ဖို့ဝိန်းမြို့လယ် တရားရုံးရှေ့တွင် သြဂုတ်လ ၁၅ ရက်နေ့က မြန်မာ့ ဒီမိုကရေစီ အင်အားစု ၁၆ ဖွဲ့ စုဝေးကာ စစ်အစိုးရ ကျင်းပမည့် ရွေးကောက်ပွဲကို ကန့်ကွက်ဆန္ဒပြနေခြင်း ဖြစ်ပါသည်။ Photo: 88 Generation Students (Overseas)
ဖို့ဝိန်းမြို့လယ်ခေါင် တရားရုံးရှေ့မှာ တနင်္ဂနွေနေ့ မွန်းလွဲ ၁ နာရီ ကနေ ၃ နာရီအထိ မြန်မာ့ ဒီမိုကရေစီအင်အားစု အဖွဲ့ ၁၆ ဖွဲ့ ပါဝင် ဆန္ဒပြကြတာနဲ့ ပတ်သက်ပြီး စစ်အာဏာရှင် တိုက်ဖျက်ရေးအဖွဲ့ ပြည်ပတာဝန်ခံ ကိုအောင်မြင့်ထွန်းက RFA ကို အခုလို ပြောပြပါတယ်။
“ကျွန်တော်တို့ အဓိကကတော့ ဒီ စစ်အာဏာရှင် စနစ်ကနေ ပေါ်ထွက်လာတဲ့ ပြည်ထောင်စု ရွေးကောက်ပွဲ ကော်မရှင်ရဲ့ ချမှတ်ထုတ်ပြန်လိုက်တဲ့ ဥပဒေတွေဟာ တရားမျှတမှုတွေ မရှိဘူး ဆိုတာကို ကျွန်တော်တို့ ဒီနေရာမှာ ဒီနေ့ ထောက်ပြတယ်၊ လက်ရှိ ကျွန်တော်တို့ မြန်မာနိုင်ငံတွင်းထဲမှာ ရှိတဲ့ ရွေးကောက်ပွဲ ဝင်ရောက်ဖို့ မှတ်ပုံတင်ထားတဲ့ အင်အားစုတွေရဲ့ အခြေအနေတွေကိုလည်း ထောက်ပြထားတဲ့ ကြေညာချက် တစောင်ကို ကျွန်တော်တို့ ဒီကနေ့ ထုတ်ပြန်ခဲ့ပါတယ်။”
ဒါ့အပြင် ရွေးကောက်ပွဲကော်မရှင်က ရွေးကောက်ပွဲရက်ကို အလျင်စလို သတ်မှတ်ခဲ့တာအပေါ် ကန့်ကွက်တဲ့ ကြေညာချက်တစောင်ကိုလည်း စစ်အာဏာရှင်တိုက်ဖျက်ရေးအဖွဲ့ (ပြည်တွင်း၊ ပြည်ပ) က ထုတ်ပြန်လိုက်ပါတယ်။
ရွေးကောက်ပွဲဝင်မဲ့ ပါတီတွေဟာ မဲဆွယ်စည်းရုံးဖို့ အချိန်လုံလောက်စွာ မရတာ၊ လွတ်လပ်စွာ မဲဆွယ်စည်းရုံးခွင့် မရှိပဲ တဖက်သတ် သတ်မှတ်လိုက်တာတွေကြောင့် တရားမျှတမှု မရှိဘူးလို့ သတ်မှတ်ကြောင်း ။ ရွေးကောက်ပွဲဝင်မဲ့ ပါတီတွေကိုလည်း ရွေးကောက်ပွဲ မဝင်ပဲ နုတ်ထွက်ကြဖို့ တိုက်တွန်းကြောင်း ပါရှိပါတယ်။ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)