အထက်ဟော်ခမ်း ရေအား လျှပ်စစ်စီမံကိန်း ဘောလခဲဒေသ ခံတွေ ကန့်ကွက်

အထက်ဟော်ခမ်းစီမံကိန်းကို ရွှေတောင်လက်အောက်ခံ HITC စွမ်းအင်ရင်းနှီးမြုှပ်နံှမှုကုမ္ပဏီနဲ့ စကာၤပူနိုင်ငံက Trust စွမ်းအင်ရင်းနှီးမြုှပ်နှံမှုကုမ္ပဏီတို့ ပူးပေါင်းအကောင်အထည်ဖော်မှာဖြစ်ပါတယ်။

အဲဒီစီမံကိန်းအတွက် ပြီးခဲ့တဲ့ အစိုးရလက်ထက် ၂၀၁၅ ခုနှစ် အောက်တိုဘာလမှာ သဘောတူလက်မှတ်ရေး ထိုးခဲ့တာဖြစ်ပြီး ပထမအကြိမ် စမ်းသပ်မှုကို ပြီးခဲ့တဲ့မတ်လက စတင်ခဲ့ပါတယ်။

အဲဒီနောက် ကရင်နီအမျိုးသားတိုးတက်ရေးပါတီ KNPP က လက်မခံတာကြောင့် စမ်းသပ်မှုကို ရပ်စဲခဲ့တာဖြစ်ပါ တယ်။ပြီးခဲ့တဲ့စက်တင်ဘာလမှာတော့ KNPP ရဲ့ ခွင့်ပြုချက်နဲ့ ဒုတိယအကြိမ် စမ်းသပ်မှုလုပ်ငန်းတွေ ပြန်လည် စတင်ခဲ့တာဖြစ်ပါတယ်။

ဆန္ဒပြပွဲမှာ ဘောလခဲခရိုင်အတွင်းက ဖားဆောင်း၊ ရွာသစ်၊ ချိကွဲ့၊ နန်းဖဲ စတဲ့ ကျေးရွာအုပ်စုတွေက ဒေသခံ တစ်ထောင်ကျော် ပါဝင်ခဲ့ပါတယ်။