၂၁ ရာစုပင်လုံညီလာခံကို ဘုရားသုံးဆူမြို့ခံတွေ ထောက်ခံ ကြိုဆို

ချီတက်ပွဲမှာပါဝင်သူတွေဟာ ပြည်ထောင်ငြိမ်းချမ်းရေးညီလာခံ ၂၁ပင်လုံညီလာခံကို ကြိုဆိုကြောင်း ဗီနိုင်းတွေ ကိုင်ဆောင်ပြီး မြို့တစ်ပတ် လမ်းလျှောက်ခဲ့ကြတာဖြစ်ပါတယ်။

ချီတက်ပွဲဦးဆောင်သူတွေဟာ ၂၁ ပင်လုံ ကျင်းပရတဲ့ မူဝါဒတွေဖတ်ခဲ့ပြီး မြို့ထဲနဲ့ နယ်စပ်ဂိတ်တွေမှာ ၂၁ပင်လုံ ညီလာခံကို ထောက်ခံကြိုဆိုတဲ့ ဗီနိုင်းတွေ စိုက်ထူခဲ့ပါတယ်။

ဘုရားသုံးဆူမြို့ဟာ ပြီးခဲ့တဲ့ရက်ပိုင်းက မွန်ပြည်သစ်ပါတီနဲ့ တပ်မတော်တို့အကြား စစ်ရေးတင်းမာမှုတွေ ဖြစ် ခဲ့တဲ့နေရာလည်း ဖြစ်ပါတယ်။

ဒုတိယအကြိမ် ၂၁ ရာစု ပင်လုံညီလာခံကို ဖေဖော်ဝါရီလ ၂၈ ရက်နေ့မှာ ကျင်းပဖို့လျာထားခဲ့ပေမယ့် လာမယ့် မတ်လ ပထမပတ်မှာ ကျင်းပဖို့ ရက်ရွှေ့ဆိုင်းထားပါတယ်။

ပထမအကြိမ် ၂၁ ရာစု ပင်လုံ ညီလာခံကို ပြီးခဲ့တဲ့ ၂၀၁၆ ခုနှစ် စက်တင်ဘာလ ၁ ရက်နေ့က နေပြည်တော်မှာ ကျင်းပခဲ့တာဖြစ်ပါတယ်။