བོད་ཀྱི་བཙོན་འོག་རྩོམ་པ་པོའི་དམིགས་བསལ་སྙན་ཐོ་འདོན་སྤེལ་གནང་ཡོད་པ།

བོད་ཀྱི་བཙོན་འོག་རྩོམ་པ་པོའི་དམིགས་བསལ་སྙན་ཐོ། ཕྱི་ཟླ་ ༡༡ པའི་ཚེས་ ༡༥ ཉིན་རྒྱལ་སྤྱིའི་བཙོན་འོག་རྩོམ་པ་པོའི་ཉིན་མོ་དང་སྟབས་བསྟུན་འཛམ་གླིང་ཡུལ་གྲུ་ ༡༡༥ ཙམ་གྱི་ནང་པེན་རྩོམ་པ་པོའི་མཐུན་ཙོགས་ ༡༥༠ ཙམ་གྱིས་ཚོགས་པ་འདི་ཐོག་མར་བཙུགས་ནས་ལོ་བརྒྱ་ཐམ་པ་འཁོར་བའི་ཉིན་རྣམ་པ་འདྲ་མིན་གྱི་ཐོག་ནས་སྲུང་རྩིས་ཞུས་ཡོད་པ་རེད།  དེ་ཉིན་པེན་བོད་ཀྱི་རྩོམ་པ་པོའི་མཐུན་ཚོགས་ངོས་ནས་བོད་ཀྱི་བཙོན་འོག་རྩོམ་པ་པོའི་དམིགས་བསལ་སྙན་ཐོ་འདོན་སྤེལ་གནང་ཡོད་པ་རེད།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་མི་རྒྱ་གར་ལྷོ་ཕྱོགས་བྷེང་ལོར་གྲོང་ཁྱེར་ནང་རྟེན་གཞི་ཆགས་པའི་ཏཱ་ལའི་བླ་མའི་མཐོ་རིམ་སློབ་གཉེར་ཁང་གི་བོད་ཀྱི་རྩོམ་རིག་སློབ་གཉེར་ཚན་པའི་སློབ་དཔོན་ཨ་འབྲུག་དཀོན་མཆོག་ལགས་དང་ལྷན་བོད་ནང་གི་རྩོམ་པ་པོའི་རང་དབང་སོགས་ཀྱི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།