བོད་ཞི་བའི་བཅིངས་གྲོལ་ཟེར་བ་བཏང་ནས་ལོ་ ༧༠ འཁོར་བའི་དུས་ཆེན་སྲུང་བརྩི་བྱས་པ།

གནད་དོན་གླེང་མོལ་གྱི་ལས་རིམ་ནང་། ཉེ་ལམ་བོད་ནང་རྒྱ་ནག་དམར་ཤོག་གཞུང་གིས་བོད་ཞི་བའི་བཅིངས་གྲོལ་ཟེར་བ་བཏང་ནས་ལོ་ ༧༠ འཁོར་བའི་དུས་ཆེན་སྲུང་བརྩི་བྱས་པ་དང་།  མཛད་སྒོའི་ཆེད་རྒྱ་ནག་གཞུང་གི་སྐུ་ཚབ་ཚོགས་པའི་འགོ་ཁྲིད་ཝང་དབྱངས་ཀྱིས་བོད་མི་ཚོས་དམར་ཤོག་གི་དབང་འཛིན་ལ་དགའ་ཞེན་བྱ་དགོས་ཞིང་རྒྱ་ནག་མི་རིགས་ངོ་བོ་དང་མཚོན་དོན་ལ་མཉམ་སྤྱོད་བྱ་དགོས་པ་བརྗོད་ཡོད་པ་རེད། འོན་ཀྱང་གནད་དོན་དབྱེ་ཞིབ་པ་ཚོས་རྒྱ་ནག་གཞུང་གིས་བོད་ནང་འཛུགས་སྐྲུན་ཡར་རྒྱས་མིང་ཐོག་ནས་བོད་མིའི་ཐུན་མོང་མ་ཡིན་པའི་ངོ་བོ་མཚོན་པའི་ཆོས་དང་རིག་གཞུང་རྩ་མེད་གཏོང་བཞིན་ཡོད་པ་བརྗོད་ཀྱི་ཡོད་པ་རེད། ཐེངས་འདིའི་ལས་རིམ་ཐོག་བོད་གནས་ཉམས་ཞིབ་པ་འཇམ་དཔལ་སྨོན་ལམ་ལགས་དང་བོད་ཀྱི་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་དང་ལྷན་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲ་ཤིས་དབང་ཕྱུག

རྩོམ་སྒྲིག་པ། རིག་ལྡན་སྒྲོལ་མ།

དྲ་ཐོག་སྤེལ་མཁན། ཡེ་ཤེས་བཀྲ་ཤིས།