ཨ་རི་བ་རི་འཛེག་མཁན་ཞིག་ཕྱིར་ལོག་བཏང་ཡོད་པ།

༄༅༎ཨ་རི་བ་རི་འཛེག་མཁན་ཞིག་གིས་བོད་ཀྱི་རྒྱལ་དར་འཁྱེར་ཡོད་པར་བརྟེན་ཕྱིར་ལོག་བཏང་ཡོད་འདུག

རི་འཛེག་མཁན་ཚོ་ཆོག་མཆན་ཞུས་པའི་སྐབས་སུ་སྒྲིག་གཞི་ཁག་ཅིག་སྲུང་བརྩི་ཞུ་དགོས་ཀྱི་ཡོད་པའི་ནང་། བོད་དང་འབྲེལ་བའི་ལས་འགུལ་སྤེལ་ཆོག་གི་མེད་ཅེས་གསལ་པོ་བཀོད་བཞིན་དུ་སྒྲེགས་གཞི་དང་འགལ་བའི་ཐོག་ནས་རི་འཛེག་མཁན་གྱི་ཨ་རི་བ་ཞིག་གིས་བོད་ཀྱི་རྒྱལ་དར་འཁྱེར་ཡོད་པར་བརྟེན་ཁོང་ཕྱིར་ལོག་བྱས་པ་རེད་ཅེས་མིང་བཏོན་བྱེད་འདོད་མེད་པའི་བལ་ཡུལ་གྱི་འབྲེལ་ཡོད་ལས་བྱེད་ཅིག་ནས་ཨེ་ཨེཕ་པི་གསར་ལས་ཁང་ལ་འགྲེལ་བརྗོད་བྱས་འདུག བོད་ཀྱི་ཕྱོགས་སུ་ཡོད་པའི་རི་བོ་ཇོ་མོ་གླང་མའི་སྟེང་ཕྱི་ཟླ་ལྔ་པའི་ཚེས་བཅུ་ཉིན་ཨོ་ལིམ་པིཀ་ཡི་དཔལ་འབར་འཁྱེར་རྒྱུའི་འཆར་གཞི་ཡོད་པར་བརྟེན། དེ་དག་ལ་འགོག་རྐྱེན་མ་ཡོང་བའི་ཆེད་བལ་ཡུལ་ནས་ཀྱང་རི་འཛེག་མཁན་ཚོའི་ཐོག་སྔོན་ཚུད་ནས་དམ་དྲག་བྱ་རྒྱུའི་ཁས་ལེན་

བྱས་ཡོད་པ་དང༌། ལྷག་པར་དུ་དཔལ་འབར་འཁྱེར་བའི་སྐབས་རི་འཛེག་མཁན་གཏང་རྒྱུ་མེད་པ་རྒྱ་ནག་གཞུང་གི་

བཀའ་བཀོད་བཞིན་སྲུང་བརྩི་ཞུ་རྒྱུ་ཡིན་པ་བཅས་གང་ལྟར་བལ་ཡུལ་གཞུང་གི་ངོས་ནས་གནས་ཚུལ་དེ་རིགས་མ་ལྷག་པའིི་ཐོག་བོད་མི་ཙམ་མ་ཡིན་པར་ཕྱི་རྒྱལ་བ་ཚོའི་ཐོག་ལའང་དམ་དྲག་ཤུགས་ཆེ་བྱ་རྒྱུའི་འཆར་གཞི་ཡོད་པ་རེད༎