ཨ་མེ་རི་ཀས་རྒྱ་ནག་ལ་ཉེན་བརྡ་བཏང་འདུག

Shangri La གྲོས་མོལ་ཞེས་པའི་Singapore དུ་ཚོགས་བཞིན་པའི་གཟའ་མཇུག་གི་བདེ་འཇགས་ཚོགས་ཆེན་དེའི་ཐོག་འཛམ་གླིང་ཡུལ་གྲུ་མང་པོའི་བདེ་སྲུང་བློན་ཆེན་དང་དམག་དཔོན་ཕེབས་ཡོད་པ་རེད།ཚོགས་ཆེན་དེའི་ཐོག་ཨ་རྒྱ་གཉིས་ཀྱི་གནད་དོན་དེ་དོ་སྣང་བྱེད་ཡུལ་གཙོ་བོ་ཞིག་ཆགས་ཡོད་།ཨ་རིའི་བདེ་སྲུང་དྲུང་ཆེ་ལས་ཚབ་Patrick Shanahan ལགས་ཀྱིས་རྒྱ་ནག་གིས་ལྷོ་རྒྱ་ནག་རྒྱ་མཚོའི་ས་ཁུལ་དུ་ཆགས་པའི་ཡུལ་ལུང་ཁག་དང་ཕྱག་གྲུ་མཉམ་འདེགས་ཀྱིས་འབྲེལ་ལམ་ཞིག་གནང་ཐུབ་པ་ཞིག་རེད་ལ་གནང་དགོས་ངེས་ཞིག་རེད་།ལུང་པ་གཞན་གྱི་བདག་དབང་ལ་དོ་ཕོག་ཐེབས་པ་དང་ཡིད་ཆེས་འཕེལ་མི་ཐུབ་པའི་རྒྱ་ནག་གི་བྱ་སྤྱོད་རིག་ངེས་པར་དུ་ཕྲལ་དུ་མཚམས་འཇོག་དགོས་ཞེས་བརྗོད་འདུག ད་དུང་ཁོང་གིས་དེ་མ་བྱུང་བར་དུ་ཨ་རི་གཞུང་གིས་རྒྱ་ནག་གི་གོ་དོག་དང་མིག་རྒྱང་ཆུང་བའི་འཆར་སྣང་དེ་ལ་ངོ་རྒོལ་ཁ་གཏད་བྱེད་རྒྱུ་ཡིན་ཅེས་ང་ཚོ་ནི་ད་བར་རྒྱ་ནག་ཐད་པའི་ཚང་མ་ལ་ཕན་འདོགས་བྱུང་བའི་ལྷོ་རྒྱ་ནག་རྒྱ་མཚོའི་ཐོག་རང་དབང་དང་གུ་ཡང་ཕྱི་གསལ་ནང་གསལ་གྱི་ལམ་ལུགས་ཤིག་ལ་རྒྱབ་སྐྱོར་བྱེད་ཀྱི་ཡོད་ཅེས་བརྗོད་འདུག

རྒྱ་ནག་གིས་ལྷོ་རྒྱ་ནག་རྒྱ་མཚོའི་ས་ཁུལ་ཡོངས་སུ་བདག་བཟུང་ཆེད་དམག་དོན་གྱི་རྟེན་གཞི་རྒྱ་བསྐྱེད་དང་ས་ཁུལ་དེ་ཐེ་ཝན་དང་Brunei, Malaysia,Philiphines དང་ Vietnam བཅས་ཀྱིས་བདག་དབང་རྩོད་གཞི་ལ་ཡང་ངོས་ལེན་བྱེད་ཀྱི་མེད་པའི་བཙན་ཤུགས་ཀྱིས་ཧམ་བཟུང་དེ་ལ་ཨ་རིས་ངོ་རྒོལ་དང་ཁ་གཏད་གདོང་ལེན་བྱེད་ཀྱི་ཡོད་པ་རེད།

རྒྱ་ནག་དབུས་དམག་དོན་ལྷན་ཁང་གི་འགན་འཛིན་གཞོན་པ་Shao Yuanmingལགས་ཀྱིས་ཨ་རིའི་ལྷོ་རྒྱ་ནག་རྒྱ་མཚོ་དང་ཐེ་ལྦན་དང་འབྲེལ་བའི་ཐོག་གཏམ་བཤད་དེ་ནི་ནོར་འཁྲུལ་ཅན་ཞིག་ཡིན་པ་སྐྱོན་བརྗོད་གནང་འདུག།