ཨ་རིའི་གྲོས་ཚོགས་གོང་མས་གཏན་འབེབས་གནང་བའི་ཁྲིམས་འཆར་གསར་བའི་ནང་བོད་དང་འབྲེལ་བའི་དོན་ཚན་ཁ་ཤས་བཀོད་འདུག
ཨ་རིའི་གྲོས་ཚོགས་གོང་མའི་དབུ་ཁྲིད་(Chuck Schumer)་ལགས།
AFP
ཨ་མི་རི་ཀའི་གྲོས་ཚོགས་གོང་མས་རྒྱ་ནག་གི་བཟོ་ལས་རིག་རྩལ་གྱི་ཉེན་ཁར་གདོང་ལེན་ཆེད་གཏན་འབེབས་གནང་བའི་ཁྲིམས་འཆར་གསར་བའི་ནང་བོད་དང་འབྲེལ་བའི་དོན་ཚན་ཁ་ཤས་བཀོད་འདུག
འདི་ཚེས་༨་ཉིན་ཨ་མི་རི་ཀའི་གྲོས་ཚོགས་གོང་མའི་ནང་། རྒྱ་ནག་གི་དཔལ་འབྱོར་དང་བཟོ་ལས་རིག་རྩལ་གྱི་ཉེན་ཁར་གདོང་ལེན་ཆེད་ཁྲིམས་འཆར་གསར་བ་ཞིག་བཞག་པར་ཚད་མཐོའི་མང་མོས་ཀྱི་ཐོག་ནས་གཏན་འབེབས་བྱུང་ཡོད་པ་དང་། གཏན་འབེབས་བྱུང་བའི་ཁྲིམས་འཆར་དེའི་ནང་བོད་དང་འབྲེལ་བའི་གནད་དོན་གལ་ཆེན་ཁག་ཅིག་བཀོད་ཡོད་པ་ནི། ཨ་རིའི་བོད་དོན་ཆེད་དམིགས་བསལ་འབྲེལ་མཐུད་སྐུ་ཚབ་བསྐོ་གཞག་དེ་སྲིད་འཛིན་གྱིས་ཐད་ཀར་བསྐོ་གཞག་གམ་གྲོས་ཚོགས་གོང་མའི་ལམ་སྟོན་དང་བཀའ་འཁྲོལ་འོག་དྲུང་གཞོན་ལས་རོགས་ཀྱི་གོ་གནས་སམ་དེ་ལས་མཐོ་བ་ཞིག་བསྐོ་རྒྱུ་དང་། ཨ་རིའི་གཞུང་གིས་༧གོང་ས་ཏཱ་ལའི་བླ་མ་མཆོག་གི་མ་འོངས་སྐུའི་ཡང་སྲིད་ཀྱི་གནད་དོན་ཐད་ཀྱི་ལངས་ཕྱོགས་ལ་འགྱུར་བ་མེད་ཐོག་མཐུན་ཕྱོགས་རྒྱལ་ཁབ་ཁག་དང་མཉམ་འབྲེལ་བྱེད་རྒྱུ་དང་། རྒྱ་ནག་པེ་ཅིང་དུ་ཡོད་པའི་ཨ་མི་རི་ཀའི་གཞུང་ཚབ་ཁང་དུ་བོད་ཀྱི་སྡེ་ཚན་ཞིག་ཟུར་འཛུགས་དགོས་པ་སོགས་བོད་དོན་དང་འབྲེལ་བའི་གལ་ཆེའི་གནད་དོན་ཁག་ཅིག་བཀོད་འདུག
གྲོས་ཆོད་དེར་གྲོས་ཚོགས་གོང་མའི་འཐུས་མི་བརྒྱ་ནས་༦༨་གྱིས་རྒྱབ་སྐྱོར་དང་༣༢་ཡིས་རྒྱབ་སྐྱོར་བྱས་མེད་པ་རེད་ལ་དེ་ནི་སྲིད་འཛིན་འཇཱོ་སྦཡེ་ཌེན་(Joe Biden)་གྱི་གཞུང་འཛིན་མང་གཙོ་ཚོགས་པར་གྲོས་ཚོགས་ནང་མང་མོས་ཕྲན་བུ་ལས་མེད་ཀྱང་ཚོགས་པ་ཐུན་མོང་གིས་རྒྱབ་སྐྱོར་གནང་བ་དཀོན་པའི་གྲས་ཞིག་ཡིན་འདུག
གྲོས་ཆོད་ཁྲིམས་འཆར་འདིས་ཨ་མི་རི་ཀའི་བཟོ་ལས་རིག་རྩལ་ནུས་ཤུགས་གོང་འཕེལ་ཆེད་ཨ་སྒོར་ཐེར་འབུམ་༡༩༠་བཀའ་འཁྲོལ་གནང་ཡོད་པ་མ་ཟད། དེང་དུས་ཀྱི་འབྲེལ་མཐུད་ཡོ་ཆས་འཛུགས་བསྐྲུན་ཞིབ་འཇུག་ཆེད་ཨ་སྒོར་ཐེར་འབུམ་༥༤་ཟུར་དུ་བཀའ་འཁྲོལ་གནང་བ་ནས་ཨ་སྒོར་ཐེར་འབུམ་གཉིས་བར་ལམ་ནས་ཧ་ཅང་དཀོན་པོ་ཆགས་པའི་སྣུམ་འཁོར་འགུལ་ཤུགས་སྐྱེད་བྱེད་ཀྱི་འཕྲུལ་ཆས་མཁོ་འདོན་ཆེད་ཟུར་བཀག་གནང་འདུག
དེ་མ་ཐག་རྒྱ་ནག་གི་ཕྱོགས་ནས་ཁྲིམས་འཆར་དེར་བློ་ཕམ་ངང་ངོ་རྒོལ་གྱི་གསལ་བསྒྲགས་ཤིག་སྤེལ་བའི་ནང་། ཨ་མི་རི་ཀས་འཛམ་གླིང་ནང་རྒྱལ་ཁབ་མི་འདྲ་བ་ཞིག་བྱེད་རྒྱུའི་རློམ་སེམས་ཁོ་ན་བཟུང་ནས་གསར་གཏོད་དང་འགྲན་རྩོད་གྱི་ཁོར་ཡུག་མེད་པ་བཟོས་ཡོད་ལུཌ་སྐྱོན་བརྗོད་བྱས་འདུག གྲོས་ཆོད་ཁྲིམས་འཆར་དེར་སྲིད་འཛིན་འཇཱོ་སྦཡེ་ཌེན་གྱིས་མཚན་རྟགས་མ་བཀོད་གོང་། གྲོས་ཚོགས་འོག་མས་རྒྱབ་སྐྱོར་དགོས་པ་དང་ད་ལྟའི་སྐབས་སུ་གྲོས་ཆོད་ཀྱི་ངོ་བོ་ག་དུས་གཏན་འབེབས་གནང་མིན་གསལ་པོ་མེད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག