རྡ་སྟེང་བོད་ཁྱིམ་སློབ་གྲྭའི་སློབ་མ་ནས་གདུང་སེམས་མཉམ་བསྐྱེད།

༄༅༎རྡ་སྟེང་བོད་ཁྱིམ་སློབ་གྲྭའི་འཛིན་རིམ་བཅུ་གཉིས་ཀྱི་སློབ་མ་རྣམས་ཀྱིས་བཀའ་འགྱུར་གོམ་བགྲོད་ཅེས་པའི་ཆོས་དང་འབྲེལ་བའི་བོད་དོན་ལས་འགུལ་ཞིག་སྤེལ་ཡོད་འདུག

དེ་ཡང་ས་ག་ཟླ་བའི་ཕྱི་ཚེས་༨ ཉིན་བོད་ཁྱིམ་འཛིན་རིམ་༡༢ ཡོངས་ནས་དཔུང་དར་ནག་པོ་བཏག་པ་དང༌། བཀའ་འགྱུར་དཔེ་ཆ་འཕྲག་ཏུ་ཁྱེར་ནས་ཆོས་སྐོར་གོམ་བགྲོད་ཅིག་བྱས་པ་ཡོད་དང༌། དེ་ནི་བོད་ནང་དུ་རྒྱལ་གཅེས་དཔའ་བོ་དཔའ་མོ་ཚོས་བོད་དོན་ཆེད་རང་སྲོག་བློས་གཏོང་གི་སྐུ་ལུས་མེར་བསྲེགས་བཏང་གནང་བ་ཚོར། སྐྱེ་བ་ཡག་པོ་ལེན་ཆེད་སྨོན་ལམ་འདེབས་པ་དང་། གཞིས་ལུས་བོད་མི་རྣམས་རྒྱ་དམར་གྱི་དྲག་གནོད་འོག་སྡུག་པོ་མྱོང་བཞིན་ཡོད་པ་ཚོར་གདུང་སེམས་མཉམ་བསྐྱེད་བྱེད་རྒྱུ། དེ་བཞིན་རྒྱལ་བ་རིན་པོ་ཆེ་སྐུ་ཚེ་ཡུན་རིང་བརྟན་པ་དང་། ཁོང་བོད་དུ་གང་མགྱོགས་ཕེབས་ཐུབ་པའི་ཆེད་དུ་ལས་འགུལ་འདི་སྤེལ་ཡོད་རེད་ཅེས་འགྲེལ་བརྗོད་བྱས་འདུག།