ཡུལ་སྐོར་སྤྲོ་འཆམ་པ་བོད་ནང་འགྲོ་རྒྱུར་བཀག་འགོག་བྱས་པ།
2011.06.13
༄༅༎བོད་ཀྱི་རྒྱལ་ས་ལྷ་སའི་ནང་ཡོད་པའི་རྒྱ་ནག་འགྲིམས་འགྲུལ་བསྲི་ཞུ་ཁང་གི་ལས་བྱེད་པ་ཅིག་གིས་ཕ་རེན་སི་གསར་ལས་ཁང་ལ་ཁ་པར་ཐོག་ནས། ཁོང་ཚོའི་ལས་ཁང་ལ་ཕྱི་ཟླ་༧ཚེས་༢༦བར་ཕྱི་རྒྱལ་ཡུལ་སྐོར་སྤྲོ་འཆམ་པ་བོད་ནང་ཡོང་མ་ཆོག་པའི་དམ་དྲག་གི་བརྡ་ཐོ་ཞིག་འབྱོར་ཡོད་པར་བརྟེན། ད་ལྟའི་སྐབས་འདིར་ཕྱི་རྒྱལ་གྱི་ཡུལ་སྐོར་སྤྲོ་འཆམ་པ་ཁོང་ཚོས་བོད་ནང་བཏང་གི་མེད་ཅེས་འགྲེལ་བརྗོད་བྱས་བཞག
དེ་ཞིན་བོད་ཀྱིི་ན་གཞོན་འགྲིམས་འགྲུལ་ཁང་གི་ལས་བྱེད་པ་ཅིག་ནས་ཀྱང་། ཕྱི་རྒྱལ་ཡུལ་སྐོར་སྤྲོ་འཆམ་པ་ཕྱི་ཟླ་༧པའི་ཟླ་མཇུག་བར་བོད་ནང་ཡོང་མ་ཆོག་པའི་དམ་དྲག་བྱས་ཡོད་པ་དངོས་འབྲེལ་ཡིན་སྐོར་བརྗོད་དེ། ཕྱི་ཟླ་བདུན་པའི་ནང་རྒྱ་ནག་གིས་བོད་ཐོག་དབང་སྒྱུར་བྱས་ནས་ལོ་ངོ་༦༠འཁོར་བའི་རྟེན་འབྲེལ་མཛད་སྒོ་བྱ་རྒྱུ་གྲ་སྒྲིག་དང་འབྲེལ་བ་ཡོད་པ་ཞིག་ཡིན་ལུགས་འགྲེལ་བརྗོད་བྱས་འདུག
བདེ་འཇགས་དང་འབྲེལ་བའི་གནད་དོན་ཐོག་ནས་ཕྱི་ཟླ་བརྒྱད་པའི་ཟླ་དཀྱིལ་བར་ཕྱི་རྒྱལ་གྱི་ཕྱིར་བསྐྱོད་ལག་འཁྱེར་ཡོད་མཁན་རིགས་ལ་བོད་ནང་ལྟ་སྐོར་ཡོང་རྒྱུའི་ཆོག་མཆན་སྤྲོད་རྒྱུ་མིན་སྐོར། ལྷ་སའི་ནང་རྟེན་གཞི་བྱས་པའི་འགྲིམས་འགྲུལ་དྲ་རྒྱའི་དོ་དམ་པ་ཞིག་གིས་བརྗོད་པ། རྒྱ་ནག་གཞུང་འབྲེལ་Global Times གསར་ཤོག་གིས་ལུང་འདྲེན་བྱས་འདུག
འོན་ཀྱང་བོད་རང་སྐྱོང་ལྗོངས་ཡུལ་སྐོར་སྤྲོ་འཆམ་ལས་ཁུངས་གིས། ཕ་རེན་སི་གསར་ལས་ཁང་གིས་ཁ་པར་ལ་ལན་བྱས་མེད་པ་དང༌། རང་སྐྱོང་ལྗོངས་ས་གནས་སྲིད་གཞུང་གི་མགྲིན་ཚབ་པས་གནད་དོན་དེའི་སྐོར་ཤེས་རྟོགས་མེད་ལུགས་ཕ་རེན་སི་གསར་ལས་ཁང་ལ་འགྲེལ་བརྗོད་བྱས་བཞག།
༢༠༠༨ལོར་བོད་ནང་མང་ཚོགས་ཀྱི་རྒྱ་གཞུང་ལ་ཞི་ངོ་རྒོལ་བྱས་ནས་ལོ་གསུམ་འཁོར་བའི་དུས་དྲན་གི་གོང་དེར། ད་ལོ་ཕྱི་ཟླ་གསུམ་པའི་ནང་རྒྱ་ནག་གཞུང་གིས་ཕྱི་རྒྱལ་ཡུལ་སྐོར་སྤྲོ་འཆམ་པ་བོད་ནང་འགྲོ་འོང་མ་ཆོག་པའི་དམ་དྲག་བྱས་ཡོད་པ་རེད།།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག