ཁེ་ན་ཌའི་ཕྱི་སྲིད་བློན་ཆེན་གྱིས་རྒྱ་གཞུང་ལ་སྐྱོན་བརྗོད།

རྒྱ་ནག་གཞུང་གིས་བོད་མིའི་ཆོས་དད་རང་དབང་ལ་རྩིས་མེད་རྡོག་རོལ་བཏང་བར་ཁེ་ན་ཌའི་ཕྱི་སྲིད་བློན་ཆེན་གྱིས་སྐྱོན་བརྗོད་དྲག་་པོ་གནང་བ།

2012.01.24

༄༅༎ཁ་ས་གཟའ་མིག་དམར་ཉིན་མདོ་ཁམས་བྲག་མགོའི་ནང་བོད་མི་ཚོས་རྒྱ་ནག་གཞུང་ལ་ཞི་རྒོལ་ལས་འགུལ་བྱས་ཏེ་རྒྱ་ནག་གི་ཉེན་རྟོག་པས་ རང་ལོ་ ༤༩ར་ སོན་པ་མི་སྐྱ་ནོར་པ་ཡོན་ཏན་ལགས་རྐྱེན་ལམ་དུ་བཏང་བ་དང་ བོད་མི་སྐྱ་སེར་གྲངས་ ༣༦ ལ་རྨས་སྐྱོན་བཏང་བའི་རྗེས་སུ་ཁུལ་དེའི་ཕྱོགས་བཞི་རྒྱ་མིའི་དམག་མིས་མཐའ་བསྐོར་བའི་ཉེར་ལེན་ལ་བརྟེན་ནས་ཁུལ་དེའི་དགེ་འདུན་པ་རྣམས་འཇིགས་སྣང་འོག་དགོན་པའི་ཕྱི་ལ་ཐོན་མི་ཐུབ་པར་ལས་ཡོད་པ་ས་གནས་ཀྱི་བོད་མི་ཚོ་དང་དབྱིན་ཇིའི་རྒྱལ་སའི་ནང་རྟེན་གཞི་བྱས་པའི་བོད་རང་བཙལ་ལས་འགུལ་ཚོགས་པས་གནས་ཚུལ་བརྗོད་འདུག
རྒྱ་ནག་གཞུང་གིས་བོད་མིའི་ཆོས་དད་རང་དབང་ལ་་ཚད་ལས་འདས་པའི་རྩིས་མེད་རྡོག་རོལ་བཏང་བར་ཁེ་ན་ཌའི་ཕྱི་སྲིད་བློན་ཆེན་ཇོན་སྦེདྲ་མཆོག་གིས་རྒྱ་ནག་གཞུང་ལ་སྐྱོན་བརྗོད་དྲག་་པོ་གནང་འདུག སྤྱིར་བཏང་སྲིད་བློན་སི་ཀྲི་ཕེན་ཧའར་པར་མཆོག་གིས་དབུ་འཁྲིད་པའི་ ཁེ་ན་ཌའི་གཞུང་གིས་རྒྱ་ནག་ལྷན་དུ་དཔལ་འབྱོར་དང་ཚོང་འབྲེལ་སྤེལ་ཕྱིར་རྒྱ་ནག་གཞུང་གིས་འགྲོ་བ་མིའི་ཐོབ་ཐང་བརྡལ་བཤིག་བཏང་བར་ སྐྱོན་བརྗོད་དྲག་པོ་དེ་ཙམ་གནང་གི་མེད་རུང་ཁེ་ན་ཌའི་སྲིད་བློན་མཆོག་གིས་རྒྱ་ནག་ཏུ་ཕེབས་གཏན་འཁེལ་བའི་སྔོན་ཙམ་དེར་ད་ཆ་ཕྱི་སྲིད་བློན་ཆེན་མཆོག་གིས་རྒྱ་ནག་གཞུང་གིས་བོད་མི་དང་ ཡུ་གུར་ཁ་ཆེ་ དེ་བཞིན་ཕ་ལུང་ཀུང་དང་རྒྱ་ནག་ནང་གི་ཡེ་ཤུའི་ཆོས་ལུགས་ཉམས་ལེན་མཁན་ཚོའི་ལུས་སེམས་གཉིས་ཀའི་ཐོག་ལ་མནར་གཅོད་བཏང་བ་དང་ དྲག་གནོན་ འཇིགས་སྐུལ་བྱས་པ་སོགས་ཞེ་ལོག་པའི་བྱ་སྤྱོད་དེ་ཚོ་ནི་ང་ཚོའི་གཞི་རྩའི་རྩ་དོན་དང་ རིན་ཐང་དང་རྦད་དེ་ཕྱིན་ཅི་ལོག་པ་རེད་ཅེས་སྐྱོན་བརྗོད་གནང་འདུག།

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎