ཞབས་ཞུའི་རྣམ་གྲངས་དགུའི་ཐོག་ནས་རོགས་རམ་གནང་རྒྱུ།
2016.11.18
བོད་ཀྱི་གཞོན་ནུ་ལྷན་ཚོགས་ཀྱིས་གསར་འགོད་གསལ་བསྒྲགས་གནང་སྐབས། ༢༠༡༦།༡༡།༡༨
ཨྱོན་བསྟན་འཛིན།/RFA
བོད་ཀྱི་གཞོན་ནུ་ལྷན་ཚོགས་ཀྱིས་དུས་འཁོར་དབང་ཆེན་སྐབས་ཆོས་ཞུ་བ་ཚོར་ཞབས་ཞུའི་རྣམ་གྲངས་དགུའི་ཐོག་ནས་རོགས་རམ་གནང་རྒྱུ་རེད།
བོད་ཀྱི་དབུ་ཁྲིད་བླ་ན་མེད་པ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་འཆར་ལོའི་ཕྱི་ཟླ་དང་པོའི་ནང་། རྒྱ་གར་ནང་གི་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་༣༤་པ་དེ་སྩལ་གནང་མཛད་སྐབས། བོད་ཀྱི་གཞོན་ནུ་ལྷན་ཚོགས་ཀྱིས་འཆར་ཅན་ལྟར་ཆོས་ཞུ་བ་དང་གནས་མཇལ་བ་རྣམས་ལ་སྤྱི་ཚོགས་ཞབས་ཞུའམ་མཐུན་འགྱུར་རོགས་རམ་ཞུ་ཕྱོགས་སྐོར་དེ་རིང་བཞུགས་སྒར་རྡ་རམ་ས་ལར་གསར་འགོད་བསྒྲགས་གནང་སྐབས། བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་གནང་བའི་གསར་འགོད་བསྒྲགས་དེ་གཙོ་བོ་སྡེ་ཚན་དགུ་ལ་དབྱེ་བ་ཕྱེ་གནང་འདུག་པས།
སྡེ་ཚན་དང་པོ་གསལ་བསྒྲགས་ཁང་དེ་ནི་གཙོ་བོ་གསུང་ཆོས་ཀྱི་མཛད་རིམ་དང་ཆོས་ཞུ་བ་མི་མང་གི་གལ་ཆེའི་གསལ་བསྒྲགས་དང་། བོར་བརླགས་སོང་བ་བརྙེད་སོན་བྱུང་བའི་དངོས་པོའི་རིགས་དོ་བདག་སོ་སོར་འཕྲོད་ཐབས་དང་། དེ་བཞིན་ཆོས་ཞུ་བའི་འཕྲོད་བསྟེན་དང་བདེ་འཇགས་སོགས་ལ་ཡིད་གཟབ་དགོས་པའི་ནན་སྐུལ་སོགས་ཀྱི་གསལ་བསྒྲགས་ཞུ་རྒྱུ་དང་།
སྡེ་ཚན་གཉིས་པ་བོད་ནས་གསར་དུ་ཕེབས་མཁན་རྣམས་བཞུགས་ཡུལ་སྣེ་ལེན་ཁང་དུ་དངས་བླངས་ཁག་གཅིག་གཏན་སྡོད་ཀྱིས་ཕྱག་རོགས་གནང་རྒྱུ།
སྡེ་ཚན་གསུམ་པ་ཆོས་ཞུ་བ་སུ་འདྲ་ཞིག་ལ་ཡང་ཛ་དྲག་གི་རོགས་དགོས་ཚེ་ཉིན་མཚན་མེད་པར་ཕྱག་རོགས་ཞུ་རྒྱུ།
སྡེ་ཚན་བཞི་པ་མེ་འཁོར་སོགས་བབ་ཚུགས་ཁག་ལ་ཆོས་ཞུ་བ་རྣམས་ལམ་ནོར་དང་བོར་བརླགས་སོགས་མི་ཡོང་བ་དང་སྐད་བསྒྱུར། ལོ་ན་མཐོ་ཞིང་ཕྱག་རོགས་མེད་པ་ཚོར་ཕྱག་རོགས་སྣེ་ལེན་ཞུ་རྒྱུ།
སྡེ་ཚན་ལྔ་བ་གྲེས་སོང་དང་ཉམ་ཐག་རིགས་ལ་ཕྱག་རོགས་ཞུ་རྒྱུ་མ་ཟད།
སྡེ་ཚན་དྲུག་པ་མི་མང་སྡོད་གུར་ཁག་ལ་ཉིན་མཚན་མེད་པར་སྲུང་སྐྱོབ་ཞུ་རྒྱུ། སྡེ་ཚན་བདུན་ནད་མནར་རིགས་བྱུང་ཚེ་དགོས་ངེས་ཀྱི་རོགས་རམ་དང་སྨན་ཁང་དུ་སྐད་སྒྱུར་སོགས་ཀྱི་ཞབས་ཞུ་སྒྲུབ་རྒྱུ།
སྡེ་ཚན་བརྒྱད་པ་ནད་མནར་སོགས་ཀྱི་རྐྱེན་པས་འདས་གྲོངས་སུ་ཕྱིན་པའི་གནས་ཚུལ་བྱུང་ཚེ་འདས་པོའི་ནང་མིའི་རེ་འདོད་གཞིར་བཟུང་སྐུ་ཕུང་ཞུགས་འབུལ་སོགས་ཀྱི་རོགས་རམ་ཞུ་རྒྱུ།
སྡེ་ཚན་དགུ་པ་ཕྱག་རོགས་མེད་མཁན་གྲེས་སོང་རྣམས་ལ་དམིགས་བསལ་དང་བླངས་ཆེད་འཛུགས་ཀྱིས་གསུང་ཆོས་ར་བའི་བར་འཁོར་ལྡན་ཞབས་བཀྱག་(Wheel Chair)ནང་འཁྲིད་གནང་རྒྱུ་ཡིན་པ་མ་ཟད། དུས་དབང་སྐབས་ཛ་དྲག་འབྲེལ་མཐུད་ཞུ་སའི་ཞལ་པར་ཨང་གྲངས་མི་འདྲ་གཉིས་གསལ་བསྒྲགས་གནང་འདུག་པ་དེ་དག་ནི་༧༢༦་༡༨༤་༡༨༧༧་དང་། ༩༩༠་༦༨༢་༧༤༤༤་བཅས་ཡིན་པ་དང་དེ་དག་ལ་འདི་ལོའི་ཕྱི་ཟླ་༡༢་པའི་ཚེས་༡༠་ཉིན་ནས་འབྲེལ་བ་གནང་ཆོག་པའི་ཆ་རྐྱེན་བསྐྲུན་གནང་འདུག།
གསར་འགོད་པ་སེང་གེ་རི་བསོད་ནམས་ལྷ་མོ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག