བོད་དཀར་མཛེས་ཁུལ་བོད་མི་ཞིག་གིས་རང་ལུས་མེར་བསྲེག

༄༅།།བོད་ཀྱི་ཁམས་དཀར་མཛེས་ས་ཁུལ་གྱི་བོད་མི་ཞིག་གིས་རང་ལུས་མེར་བསྲེག་བཏང་ཡོད་པའི་གནས་ཚུལ་ཐོན་འདུག དེ་ཡང་ཨེ་ཨེཕ་པི་གསར་འགྱུར་ལས་ཁང་གིས་རྒྱ་གཞུང་གིས་གཉེར་བའི་གསར་འགྱུར་ལས་ཁང་ཁག་གིས་བཏོན་པའི་གསར་འགྱུར་ལུང་འདྲེན་གནང་བ་ལྟར་བོད་ཀྱི་ཁམས་དཀར་མཛེས་ས་ཁུལ་ནང་བོད་མི་དགེ་འདུན་པ་ཞིག་གིས་རང་ལུས་མེར་བསྲེག་བཏང་ཡོད་པའི་གནས་ཚུལ་བཏོན་ཡོད་པ་རེད་ རྒྱ་གཞུང་གིས་གཉེར་བའི་ཤིང་ཧ་གསར་འགྱུར་ལས་ཁང་གི་དཀར་མཛེས་ས་ཁུལ་གྱི་དཔོན་རིགས་རྣམས་ཀྱིས་གནས་ཚུལ་མཁོ་སྤྲོད་བྱས་པ་བཞིན་ཁུལ་དེའི་དགེ་འདུན་པ་ཞིག་གིས་རང་ལུས་མེར་བསྲེག་བཏང་བའི་གནས་བཏོན་ཡོད་ཀྱང་ཞིབ་ཆའི་གནས་ཚུལ་གང་ཡང་བཏོན་མེད་པ་རེད་ དེ་བཞིན་བོད་རིགས་དགེ་འདུན་པ་དེའི་མཚན་དང་དོ་བདག་གི་ལོ་རྒྱུས་སོགས་དང་གནད་དོན་གང་གི་ཐོག་རང་ལུས་མེར་བསྲེག་བའི་སྐོར་ད་ལྟའི་ཆར་གསལ་པོ་གང་ཡང་མེད་པ་རེད།