རྒྱ་ནག་གིས་བོད་ནང་ངལ་རྩོལ་བཙོན་རྭ་གསར་བསྐྲུན་བྱེད་བཞིན་འདུག་ཟེར།
2019.02.14
བར་སྣང་ནས་བོད་ནང་རྒྱབ་པའི་བརྙན་པར། ༢༠༡༧
@rajfortyseven
རྒྱ་གར་གྱི་དམག་དོན་ཉམས་ཞིབ་པ་ཞིག་གིས་བོད་ནང་ངལ་རྩོལ་བཙོན་རྭ་གསར་རྒྱག་བྱེད་བཞིན་ཡོད་པ་གསུངས་འདུག
རྒྱ་གར་དཔུང་དམག་གི་མདའ་དཔོན་ཟུར་པ་དང་མི་བཟོས་སྒྱུ་སྐར་བརྙན་པར་ཐོག་དམིགས་བསལ་ཞིབ་འཇུག་པ་སྐུ་ཞབས་ཝི་ནཱ་ཡཀ་ བྷཊ་ལགས་ཀྱིས་རྒྱ་ནག་གཞུང་གིས་ཁམས་ཀྱི་ལྷོ་ཕྱོགས་ས་ཁུལ་གྱི་ནང་ངལ་རྩོལ་བཙོན་རྭ་གསུམ་ཙམ་གསར་རྒྱག་བྱེད་བཞིན་ཡོད་པ་མིས་བཟོས་རྒྱུ་སྐར་གྱི་བརྙན་པར་ཐོག་ནས་ཤེས་རྟོགས་ཐུབ་ཀྱི་ཡོད་པ་ཕྱི་ཟླ་ ༢ ཚེས་ ༡༤ ཉིན་བཞུགས་སྒར་རྡ་རམ་ས་ལར་རྟེན་གཞི་བྱེད་པའི་བོད་ཀྱི་སྲིད་བྱུས་ཉམས་ཞིབ་ཁང་དུ་གཏམ་བཤད་ཞིག་གནང་སྐབས་གསུངས་འདུག
ཁོང་གིས་ཞིབ་དཔྱད་གནང་པའི་མིས་བཟོས་རྒྱུ་སྐར་གྱི་བརྙན་པར་ཁག་གཅིག་ཕྱི་ཟླ་ ༢ ཚེས་ ༡༢ ཉིན་རྒྱ་གར་གྱི་(The Print)ཞེས་པའི་གསར་འཕྲིན་ནང་སྤེལ་ཡོད་པ་རེད།
སྐུ་ཞབས་ཝི་ནཱ་ཡཀ་བྷཊ་ལགས་སུ་ངལ་རྩོལ་བཙོན་རྭ་གསར་པ་རྒྱག་བཞིན་པ་དོགས་གཞི་ཡོད་པའི་བོད་ཀྱི་ས་ཁུལ་གང་ཞིག་ཡིན་མིན་བཀའ་འདྲི་ཞུས་སྐབས། ཁམས་ལྷོ་ཕྱོགས་ཀྱི་ས་ཁུལ་ཞིག་ཡིན་སྲིད་པ་གསུངས་པ་ལས་ཞིབ་ཕྲ་འགྲེལ་བརྗོད་གནང་མེད་པ་རེད། འོན་ཀྱང་གནས་ཚུལ་ཤེས་རྟོགས་བྱུང་བར་གཞིགས་ན། ཞིབ་འཇུག་པ་སྐུ་ཞབས་བྷཊ་ལགས་ཀྱིས་ཁོང་གིས་དེ་ལྟར་ཚོད་དཔག་གནང་དོན་ནི། རྒྱ་ནག་གཞུང་གིས་ཁམས་ཀྱི་ས་ཁུལ་ནང་འཛུགས་བསྐྲུན་བྱེད་བཞིན་པའི་ཁང་པའི་བཟོ་དབྱིབས་དང་། ཤིན་ཅང་ས་ཁུལ་ནང་ངལ་རྩོལ་བཙོན་རྭ་འཛུགས་བསྐྲུན་བྱས་པ་དེ་གཉིས་ཧ་ཅང་འདྲ་མཚུངས་ཡོད་པ་གསུངས་འདུག་ལ། ད་དུང་ཁོང་གིས་འགྲེམ་སྤེལ་གནང་པའི་བརྙན་པར་ནང་། ཁམས་ཁུལ་གསར་རྒྱག་བྱེད་བཞིན་པའི་འཛུགས་བསྐྲུན་དེ་དག་གི་རྩིག་པའི་རྒྱ་ཁྱོན་དང་ཁང་དབྱིབས། ཉེན་སྲུང་བའི་རྟེན་སྒར་སོགས་མཐོང་རྒྱུ་ཡོད་པ་དེ་དག་ལ་གཞིགས་ནས་གསར་རྒྱག་བྱེད་བཞིན་པའི་འཛུགས་བསྐྲུན་དེ་དག་ངལ་རྩོལ་བཙོན་རྭ་ཡིན་པ་ཁོང་གིས་གསུང་ཐུབ་ཀྱི་ཡོད་པ་འགྲེལ་བརྗོད་གནང་འདུག
ད་དུང་བརྙན་པར་གཞན་ཞིག་གི་ནང་། དཀར་མཛེས་ཁུལ་གྱི་དགོན་པ་ཞིག་ལ་དེ་སྔོན་ཕྱི་ལོ་ ༢༠༡༢ ལོར་ས་ཡོམ་སྐབས་གནོད་སྐྱོན་ཕོག་རྗེས་བསྐྱར་གསོའི་ལས་གཞིའི་འོག་ད་ཆ་དགོན་པ་དེ་ཡང་བཙོན་རྭ་ཆེན་པོ་ལྟ་བུ་ཞིག་བཟོས་ཡོད་པ་ཡང་མི་བཟོས་སྒྱུ་སྐར་གྱི་བརྙན་པར་ཐོག་ནས་ཤེས་རྟོགས་ཐུབ་རྒྱུ་ཡིན་པ་གསུངས་འདུག
རྒྱ་ནག་གཞུང་གིས་ངལ་རྩོལ་བཙོན་རྭའི་ལམ་ལུགས་མེད་པ་བཟོས་ལུགས་བརྗོད་བཞིན་ཡོད་ཅིང་། གལ་ཏེ་བོད་ནང་སླར་ཡང་ངལ་རྩོལ་བཙོན་རྭ་གསར་རྒྱག་བྱེད་བཞིན་ཡོད་ཚེ་དེ་ནི་རྒྱ་ནག་གཞུང་རང་ཉིད་ཀྱི་བཤད་པ་དང་འགལ་ཟླ་ཆགས་རྒྱུ་མ་ཟད། ངལ་རྩོལ་བཙོན་རྭ་དེ་དག་གནད་དོན་གང་ཞིག་གི་ཐོག་བེད་སྤྱོད་བྱེད་མིན་ཐད་དབྱེ་ཞིབ་པ་མང་པོས་དོ་སྣང་ཆེན་པོ་བྱེད་རྒྱུ་ངེས་པ་ཡིན་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག