སྲིད་སྐྱོང་མཆོག་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་གསར་པར་བོད་ནང་གི་གནས་སྟངས་ལ་ཞིབ་འཇུག་དགོས་པ་འབོད་སྐུལ་གནང་འདུག
སྲིད་སྐྱོང་དང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་གསར་པ་(Volker Turk)་ལགས་ཀྱི་པར་མཉམ་སྦྱར།
tibet.net
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་གསར་དུ་བསྐོ་བཞག་བྱུང་བའི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་མཆོག་ལ་འཚམས་འདྲི་དང་མཉམ་འབོད་སྐུལ་ཁག་ཅིག་གནང་འདུག
དེ་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས། གསར་དུ་བསྐོ་བཞག་བྱུང་བའི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་གསར་པ་(Volker Turk)་ལགས་སུ། དབུས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ནས་ཁོང་ཉིད་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་དུ་བསྐོ་བཞག་བྱུང་བར་འཚམས་འདྲིའི་བཀྲིས་བདེ་ལེགས་ཀྱི་འཚམས་འཕྲིན་གནང་བའི་ནང་། སྐུ་ཉིད་ཀྱིས་འདས་པའི་བྱ་བཞག་ཁག་ནང་རྒྱལ་སྤྱིའི་ཁྲིམས་ལུགས་སྲུང་སྐྱོབ་དང་། དྲང་བདེན། འགན་ཁུར་གྱི་ཕྱག་ལས་གནང་ཕྱོགས་དེས་འབྱུང་འགྱུར་གྱི་ལས་དོན་ཁྲོད་གལ་འགངས་ཆེ་བའི་ནུས་པ་བཏོན་ཐུབ་རྒྱུར་ཡིད་ཆེས་གནང་གི་ཡོད་ཅེས་དང་། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་ཉེ་ཆར་རྒྱ་ནག་གི་དབང་འཛིན་འོག་ཡོད་པའི་ཤིན་ཅང་ངམ་ཤར་ཏུར་ཀི་སི་ཐན་གྱི་གནད་དོན་ཐད་སྙན་ཐོ་འདོན་སྤེལ་གནང་བར་དགའ་བསུ་དང་མཉམ། སྙན་ཐོ་དེའི་ཐོག་ནས་རྒྱ་ནག་དམར་ཤོག་གཞུང་གིས་ཤར་ཏུར་ཀི་སི་ཐན་གྱི་ཡུ་གུར་མི་རིགས་གཙོས་གྲངས་ཉུང་མི་རིགས་ཚོའི་ཐོག་མི་ཆོས་ལས་འདས་པའི་བཙན་གནོན་བྱེད་བཞིན་པའི་གནས་སྟངས་ངོས་ལེན་གནང་ཡོད་པ་དང་། ད་ཆ་སྙན་ཐོའི་ནང་དོན་ཁག་ལག་བསྟར་གནང་ཏེ་དོན་དངོས་ཐོག་ནས་ཤུགས་རྐྱེན་སྤྲོད་ཐུབ་རྒྱུར་སྐུལ་མ་ཞུ་ཡི་ཡོད་ཅེས་བཀོད་གནང་འདུག
ད་དུང་སྲིད་སྐྱོང་སྤེན་པ་ཚེ་རིང་མཆོག་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་མཆོག་གིས་བོད་ནང་གི་ཁྱོན་ཡོངས་ཀྱི་འགྲོ་བ་མིའི་ཐོབ་ཐང་གི་གནས་སྟངས་ལ་དཔྱད་ཞིབ་གནང་རྒྱུའི་འབོད་སྐུལ་གནང་འདུག་ལ། དམིགས་བསལ་རྒྱ་ནག་གཞུང་གིས་བོད་ནང་མི་སེར་སྤེལ་ཡུལ་གྱི་གཏན་སྡོད་སློབ་གྲྭ་ཁག་བཙུགས་ཡོད་པའི་གནས་སྟངས་ལ་ཞིབ་འཇུག་གནང་རྒྱུའི་སྐུལ་མ་གནང་ནས། བོད་ནང་གསར་བཙུགས་བྱས་པའི་གཏན་སྡོད་སློབ་གྲྭ་དེ་ཚོའི་ནང་བོད་པའི་སློབ་མ་ཚོད་རྩིས་བྱས་ན་ཁྲི་ལྷག་ཡོད་པ་དང་། གཏན་སྡོད་སློབ་གྲྭ་དེ་རིགས་གསར་བཙུགས་བྱས་པ་བརྒྱུད་རྒྱ་ནག་གཞུང་གིས་བོད་ནང་གི་བོད་མི་གཞོན་སྐྱེས་ཚོའི་མི་རིགས་མཚོན་དོན་རིག་གནས་དང་སྐད་ཡིག་ཆོས་ལུགས་དང་འཚོ་ཐབས་མེད་པ་བཟོ་ཐབས་ཀྱི་འཆར་གཞི་གོ་རིམ་ལྡན་པའི་ལས་གཞི་ཞིག་མཚོན་ཐུབ་ཀྱི་ཡོད་པ་གསལ་སྟོན་གནང་འདུག་ཏེ་ལས་འཆར་དེ་རིགས་འཚམས་འཇོག་དགོས་པའི་སྐུལ་མ་གནང་རྒྱུའི་འབོད་སྐུལ་ཞུས་གནང་འདུག
གསར་འགོད་པ། འཆི་མེད།
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག