བོད་ནང་གནམ་ཐང་ལྔ་པ་དེ་ཕྱི་ལོ་ཉིས་སྟོང་བཅུ་ལོར་གསར་རྒྱག།

༄༅༎བོད་ནང་གནམ་ཐང་ལྔ་པ་དེ་ཕྱི་ལོ་ཉིས་སྟོང་བཅུ་ལོར་རྒྱག་ཚར་རྒྱུ་ཡིན་པའི་གནས་ཚུལ་ཐོན་འདུག

གཞིས་ཀ་རྩེའི་ས་གནས་དབུ་འཛིན་སྐལ་བཟང་ཚེ་རིང་ལགས་ཀྱིས་གསུངས་དོན་ལྟར་ན་གཞིས་ཀ་རྩེ་གྲོང་ཁྱེར་ནས་ཀི་ལོ་མི་ཊར་བཞི་ཅུ་ཞེ་བརྒྱད་སར་གསར་དུ་འཛུགས་བསྐྲུན་བྱེད་བཞིན་པའི་གནམ་ཐང་དེ་ཕྱི་ལོ་ཉིས་སྟོང་བཅུ་ལོའི་ཕྱི་ཟླ་བཅུ་པའི་ནང་མཇུག་སྒྲིལ་བྱེད་ཀྱི་ཡོད་པ་དང་རྒྱ་སྐོར་ཡུའན་ས་ཡ་བཞི་རྒྱ་བརྒྱད་བཅུ་འམ་ཨ་རིའི་ཌོ་ལར་ས་ཡ་བདུན་བཅུ་ལྷག་གནས་རྒྱུའི་གནམ་ཐང་དེས་ལོ་རེར་འགྲུལ་བ་འབུམ་གཉིས་དང་ཁྲི་གསུམ་ཙམ་ལ་མཐུན་འགྱུར་དང་དངོས་ཟོག་ཊོན་ཆིག་སྟོང་བརྒྱ་དང་ལྔ་བཅུ་འོར་འདྲེན་གྱི་ནུས་པ་ཡོད་པ་མ་ཟད་ཕྱི་ལོ་ཉིས་སྟོང་ཉི་ཤུ་ཙམ་ལ་ལོ་རེ་འཕུར་ཐེངས་ཉིས་སྟོང་ལྔ་བརྒྱ་བརྒྱད་བཅུ་ཙམ་ལ་སླེབས་རྒྱུར་ཚོད་དཔག་བྱེད་ཀྱི་ཡོད་པ་གཞུང་འབྲེལ་གསལ་བསྒྲགས་གནང་འདུག ཡང་གནམ་ཐང་གཞན་པ་ཞིག་མངའ་རིས་ཁུལ་དུ་གསར་རྒྱག་བྱེད་ཀྱི་ཡོད་ལུགས་གསུང་པ་ཙམ་ལས་ཞིབ་ཕྲའི་གནས་ཚུལ་གང་ཡང་མི་འདུག