༸གོང་ས་མཆོག་འཛམ་གླིང་ཞི་བདེའི་དུས་སྟོན་དུ་ཆིབས་བསྒྱུར།

༧གོང་ས་མཆོག་རྒྱ་གར་གྱི་གྲོང་ཁྱེར་པུ་ནེ་ནང་ཚོགས་རྒྱུའི་འཛམ་གླིང་ཞི་བདེའི་དུས་སྟོན་དུ་ཆིབས་བསྒྱུར་བསྐྱང་གནང་གི་ཡོད་པའི་གནས་ཚུལ།

2010.09.03

༄༅༎ཟླ་བ་འདིའི་ཕྱི་ཚེས་༢ཉིན་རྒྱ་གར་གྱི་ཧིན་རྡུ་ཞེས་པའི་དྲ་རྒྱའི་གསར་འགྱུར་ཐོག་ལ་བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཕྱི་ཟླ་བཅུ་པའི་ཚེས་༡༠ཉིན་རྒྱ་གར་གྱི་ལྷོ་ནུབ་མ་ཧ་རཤ་ཏྲ་མངའ་སྡེ་གྲོང་ཁྱེར་པུ་ནེ་ནང་ཚོགས་རྒྱུའི་འཛམ་གླིང་ཞི་བདེའི་དུས་སྟོན་དུ་ཆིབས་བསྒྱུར་བསྐྱང་གནང་གི་ཡོད་པའི་གནས་ཚུལ་སྤེལ་བཞག

དྲ་རྒྱ་དེའི་ཐོག་གནས་ཚུལ་སྤེལ་བར་གཞིགས་ན། གྲོང་ཁྱེར་པུ་ནེ་ནང་དུ་ཡོད་པའི་ཏེཇ་གྱན་ཐེབས་རྩ་ལས་ཁང་གིས་དུས་སྟོན་དེ་གོ་སྒྲིག་ཞུས་ཏེ།༧གོང་ས་སྐྱབས་མགོན་ཆེན་པོ་མཆོག་དུས་སྟོན་དེར་ཆིབས་བསྒྱུར་གྱི་གདན་ཞུ་ཕུལ་བ་དེ་ནི་འཛམ་གླིང་ཞི་དེའི་ལས་དོན་གྱི་བྱ་བ་ཞིག་ཡིན་པ་དང༌། དུས་སྟོན་དེར་མི་དམངས་ས་ཡ་མཉམ་ཞུགས་ཡོང་བའི་ཐུགས་རེ་གནང་གི་ཡོད་པ་མ་ཟད། རྒྱ་གར་གྱི་སྤྱི་ཚོགས་ཞབས་ཞུ་བ་དང༌ཉེན་རྟོག་དཔོན་བགྲེས་ཡོལ་དུ་ཕེབས་པ་ལྕམ་ཀི་རན་སྦེ་ཌི་དང་རྩོམ་བྲིས་པ་གྲགས་ཅན་སྐུ་ཞབས་ཨེ་སི་སྦི་མ་ཇུམ་རྡར་ དེ་བཞིན་རྒྱ་གར་ནང་དུ་བདེན་པའི་འབོད་སྒྲ་ཞེས་པའི་ཚོགས་པ་གསར་འཛུགས་གནང་མཁན་ལྕམ་ཊ་མི་སའེ་མེན་དང། དུས་སྟོན་དེ་གོ་སྒྲིག་གནང་མཁན་སྐུ་ཞབས་ལྦི་ཇེ་སྦཏ་ཀར་དང་སྐུ་ཞབས་ཀར་ཐི་ཀེ་ཡེན་ རྒྱ་གར་གྱི་གློག་བརྙན་འཁྲབ་སྟོན་པ་སྐད་གྲགས་ཅན་ཨ་མི་ཏབ་སྦ་ཆན་བཅས་ནས་གཏམ་བཤད་བྱེད་ཀྱི་ཡོད་པའི་གནས་ཚུལ་སྤེལ་ཡོད་པ་རེད།

ཏཇ་གྱན་ཞེས་པའི་ཐེབས་རྩ་ལས་ཁང་དེ་ཡིས་རྒྱ་གར་རྒྱལ་ཡོངས་སུ་དུས་སྟོན་དེ་ལྟ་བུ་ཁག་མི་འདྲ་བ་༡༠ཙམ་གོ་སྒྲིག་ཞུ་རྒྱུ་ཡིན་པ་དང༌། རེས་གཟའ་མིག་དམར་ཉིན་དུས་སྟོན་གོ་སྒྲིག་ཚོགས་ཆུང་གྱི་ཚོགས་གཙོ་སྐུ་ཞབས་ཀར་ཐི་ཀེ་ཡེན་གྱིས་གསར་འགོད་པར། འཛམ་གླིང་ཞི་བདེའི་དུས་སྟོན་ཐོག་མ་དེ་གྲོང་ཁྱེར་པུ་ནེ་ནང་དུ་ཕྱི་ཟླ་༡༠པའི་ཚེས་༡༠ནས་འགོ་འཛུགས་གནང་རྒྱུ་ཡིན་པ་དང༌། ༧གོང་ས་ཏྰ་ལའི་བླ་མ་མཆོག་གིས་མཛད་འཕྲིན་ཆེན་པོ་ཡོད་མིན་ལ་མ་ལྟོས་པར་དུས་སྟོན་དེར་ཆིབས་བསྒྱུར་གནང་རྒྱུའི་ཞལ་བཞེས་ཐོབ་བྱུང་ཞེས་གསུང་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎