༸གོང་ས་མཆོག་ནས་ཕྱག་སྟོང་པདྨ་ལུགས་ཀྱི་བཀའ་དབང་སྩལ།

༄༅༎༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་པདྨ་ལུགས་ཀྱི་བཀའ་དབང་སྩལ་གནང་མཛད་འདུག
ཕྱི་ཟླ་བཅུ་པའི་ཚེས་༢༥ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དད་ལྡན་ཀོ་རི་ཡའི་ཆོས་ཞུ་བ་གཙོ་བོར་གྱུར་བའི་ཕྱི་ནང་ཆོས་ཞུ་བར་ཐུགས་རྗེ་ཆེན་པོ་པདྨ་ལུགས་ཀྱི་བཀའ་དབང་སྩལ་གནང་ཡོད་པའི་སྐོར་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་འཁོད་འདུག  
ཐོག་མར་མགོན་པོ་གང་ཉིད་མཆོག་གིས་བཀའ་དབང་མ་སྩལ་སྔོན་གསང་སྔགས་ཀྱི་ཐུགས་རྗེ་ཆེན་པོ་པདྨ་ལུགས་ཀྱི་བཀའ་དབང་ངོ་སྤྲོད་མཛད་དོན་བསོད་ནམས་དང་ཡེ་ཤེས་ཀྱི་ཚོགས་གསོག་དགོས་ཅིང་།མདོར་ན་བྱམས་སྙིང་རྗེ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་དེ་གཉིས་ཀྱང་ཐབས་ཤེས་དབྱེར་བ་མེད་པ་ཞིག་ཡོང་རྒྱུར་སྔགས་སྐབས་ནས་གསུངས་བ་དེ་རེད། དེ་རིང་སྐབས་སུ་བབས་པའི་གསང་སྔགས་ཀྱི་ཆོས་སྐོར་ཤོད་ཀྱི་ཡོད།གསང་སྔགས་ཀྱི་ཆོས་སྐོར་ཉན་སྒོམ་བྱས་པར་སྔོན་ལ་སྙིང་རྗེའི་དབང་གིས་རྒྱུད་སྨིན་པ་ཞིག་བྱེད་དགོས་ཀྱི་རེད། དེར་བརྟེན་དེ་རིང་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་དགེ་སློང་མ་པདྨ་ནས་ཉེ་བར་ཞི་བའི་བྱ་རྒྱུད་ པདྨ་ལུགས་ཀྱི་དབང་བྱ་རྒྱུ་ཡིན། ཞེས་ངོ་སྤྲོད་མཛད་རྗེས་དངོས་གཞིའི་བཀའ་དབང་སྩལ་ཏེ་ཕྱི་ཚེས་༢༣ཉིན་དབུ་འཛུགས་ཀྱིས་༢༥སྔ་དྲོ་བར་གདུལ་བྱ་གཙོ་བོ་ཀི་རི་ཡའི་ཆོས་ཞུ་བ་རྣམས་ལ་རྗེ་ཙོང་ཁ་པ་ཆེན་པོས་མཛད་པའི་ལམ་རིམ་ཆེན་མོ་ལས་ཞི་གནས་དང་ལྷག་མཐོང་གི་ཆོས་འབྲེལ་དེ་བཞིན་མཇུག་སྒྲིལ་མཛད་ཡོད་འདུག།