༸གོང་ས་མཆོག་ནས་བོད་མི་ན་གཞོན་ལ་བཀའ་སློབ།

༄༅༎བོད་མིའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཚེས་༢༦ཉིན་དེང་དུས་བོད་ཀྱི་ན་གཞོན་༥༠༠ ཙམ་ལ་མ་ནོར་ལམ་སྟོན་བཀའ་སློབ་སྩལ་གནང་མཛད་སྐབས་བོད་ཀྱི་སྲོལ་རྒྱུན་གྱི་ཤེས་ཡོན་དང་ཚན་རིག་དང་ དབྱིན་ཇིའི་སྐད་ཡིག་ཐོག་ལ་གཞི་བཅོལ་བའི་དེང་དུས་ཀྱི་ཤེས་ཡོན་གཉིས་ཟུང་དུ་སྦྲེལ་ཏེ་ མདོར་ན་གཤོག་པ་གཉིས་ལྡན་ཅན་ཞེ་གཅིག་ཆགས་ཐབས་བྱེད་དགོས་ཞེས་བཀའ་གནང་ཡོད་པ་རེད་

༸གོང་ས་མཆོག་གིས་སློབ་ཕྲུག་ཚོས་ཤེས་ཡོན་གྱི་བརྒྱུད་ནས་ལུས་སེམས་ཀྱི་རྣམ་དཔྱོད་འཕེལ་རྒྱས་གཏོང་བ་དང་དུས་མཉམ་དུ་ཡ་རབས་བཟང་སྤྱོད་སོགས་རིན་ཐང་དེ་དག་རང་རྒྱུད་ལ་འཇགས་ཐབས་བྱེད་དགོས་པའང་གནད་འགག་ཤིན་ཏུ་ཆེན་པོ་རེད་ཅེས་ནན་བརྗོད་གནང་ཡོད་པ་རེད་ མིའི་རིན་ཐང་དང་ཡ་རབས་ བཟང་སྤྱོད་སོགས་ཀྱི་ཤེས་ཡོན་སྦྱང་བརྩོན་བྱེད་སའི་ཡུལ་གཙོ་བོ་་ནི་སངས་རྒྱས་བཅོམ་ལྡན་འདས་ཀྱིས་གཏན་ལ་ཕབ་པའི་ནང་ཆོས་ནང་ལ་སྦྱོང་རྒྱུ་ཡོད་པས་མ་ཟད་ ནང་ཆོས་ཀྱི་ཤེས་ཡོན་ཡང་བོད་ཀྱི་སྐད་ཡིག་ནང་ལ་སྦྱོང་བརྡར་བྱེད་རྒྱུའི་མཐུན་རྐྱེན་འཛོམས་པོ་ཡོག་རེད་ཅེས་ལམ་སྟོན་གནང་ཡོད་ ༸གོང་ས་མཆོག་གིས་སྩལ་བའི་བཀའ་སློབ་ཀྱི་སྙིང་དོན་ནི་ བོད་ཀྱི་གཞོན་ནུ་ཚོས་སྲོལ་རྒྱུན་དང་དེང་དུས་ཀྱི་ཤེས་ཡོན་གཉིས་ཀའི་ཐོག་ལ་སྦྱང་བརྩོན་ཧུར་བསྐྱེད་བྱས་ཏེ་མཐར་གཤོག་པ་གཉིས་ལྡན་ཅན་གྱི་བྱ་ནང་བཞིན་ཆགས་ཐབས་བྱེད་དགོས་ ཡིན་ནའང་སྲོལ་རྒྱུན་དང་དེང་དུས་ཀྱི་ཤེས་ཡོན་ཁོ་ནས་མི་ལ་བདེ་སྐྱིད་སྤྲོད་ཐུབ་ཀྱི་མེད་སྟབས་ ཡ་རབས་བཟང་སྤྱོད་དང་ བྱམས་དང་སྙིང་རྗེ་སོགས་རིན་ཐང་སྐོར་ཡང་སྦྱོང་དགོས་ལ་ལས་རྒྱུ་འབྲས་ཀྱི་རྣམ་གཞག་སོགས་ཀྱི་ཤེས་དགོས་པ་རེད་སོགས་བཀའ་སློབ་གཏིང་ཟབ་གནང་ཡོད་པ་རེད།