དྷ་སར་ཉིན་བཞིའི་ཆོས་འབྲེལ།

༄༅།    །དེ་ཡང་རྒྱ་གར་གྱི་ནང་པའི་དགེ་འདུན་པའི་ཚོགས་ཁག་ཅིག་ནས་ཇི་ལྟར་གསོལ་འདེབས་ཞུས་པ་ལྟར།    བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ཟླ་༦ཚེས་༡ནས་༤བར་ཉིན་གྲངས་བཞིའི་རིང་སློབ་དཔོན་ཞི་བ་ལྷས་མཛད་པའི་སྤྱོད་འཇུག་གི་ཆོས་འབྲེལ་བཀའ་དྲིན་བསྩལ་གནང་མཛད་ཀྱི་ཡོད་པ་རེད།    བཞུགས་སྒར་དུ་ཉིན་བཞི་རིང་གི་གསུང་ཆོས་གྲུབ་པའི་རྗེས་New Zealand དུ་ཆིབས་བསྒྱུར་མཛད་དེ། ཕྱི་ཟླ་དྲུག་པའི་ཚེས་དགུའི་སྔ་དྲོ་New Zealand དུ་བདེན་པ་བཞིའི་བཀའ་ཆོས་བསྕལ་གནང་རྒྱུ་དང། ཉིན་གུང་རྒྱབ་ཏུ་མི་དམངས་ལ་བྱམས་བརྩེའི་སྐོར་ལ་བཀའ་སློབ་བསྕལ་རྒྱུའི་མཛད་འཆར་ཡོད་པ་རེད། དེ་ནས་ཕྱི་ཚེས་༡༡ ཉིན་༧གོང་ས་སྐྱབས་མགོན་ཆེན་པོ་མཆོག་གིས་New Zealand གྱི་ལྷོ་ཕྱོགས་གླིང་ཕྲན་Dunedin ནང་དུ་ཆོས་ལུགས་རིས་མེད་ཀྱི་གནད་དོན་ཁག་གི་ཐོག་ལ་མི་དམངས་ལ་བཀའ་སློབ་བསྕལ་རྒྱུ་ཡིན་ཞིང། དེ་ནི་Dunedin གླིང་ཕྲན་ནང་དུ་ཡོད་པའི་ཆོས་ལུགས་རིས་མེད་ལྷན་ཚོགས་ནས་མཛད་འཆར་གོ་སྒྲིག་ཞུས་པ་ཐེངས་དང་པོ་ཡིན་པ་རེད། །