༸གོང་ས་མཆོག་གིས་ཆོས་འབྲེལ་གསུང་ཆོས་བསྩལ་སྐོར།

༄༅༎རྒྱ་གར་ཧི་མ་ཅལ་མངའ་སྡེའི་ལཱ་ཧོལ་ཁུལ་དུ་གནས་པའི་དཔལ་ས་སྐྱིའ་ཆོས་ཚོགས་ཀྱིས་ཇི་ལྟར་གསོལ་འདེབས་ཞུས་གནང་བ་བཞིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ཟླའི་ཚེས་བཅུ་ནས་འགོ་ཚུགས་ཀྱིས་ཉིན་གསུམ་རིང་གསུང་ཆོས་བཀྲིན་བསྐྱང་གནང་རྒྱུ་ཡིན་པ་རེད།

གོང་ཞུས་དཔལ་ས་སྐྱའི་ཆོས་ཚོགས་ཀྱིས་ཇི་ལྟར་གསོལ་འདེབས་ཞུས་གནང་བཞིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ཟླའི་ཚེས་བཅུ་ཉིན་གསུངས་ཆོས་དབུ་ཚུགས་ཀྱིས་ཚེས་བཅུ་གཅིག་དང་བཅུ་གཉིས་ཉིན་གཉིས་རིང་འཕགས་པ་སྤྱན་རས་གཟིགས་ཀྱི་དབང་ཆེན་ཞིག་ཀྱང་བསྩལ་གནང་རྒྱུ་ཡིན་པ་རེད། ཡང་གནས་ཚུལ་ནང་མུ་མཐུད་བཀོད་པར་གཞིགས་ན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་བདུན་ཅུ་དོན་བཞིར་ཕེབས་པའི་སྐུའི་འཁྲུངས་སྐར་ཚེས་ཕྱི་ཟླ་བདུན་པའི་ཚེས་དྲུག་ཉིན་ཧི་མ་ཅལ་མངའ་སྡེའི་ཁུལ་དུ་གནས་པའི་བོད་མི་དང་ཧི་མ་ཅལ་མངའ་སྡེའི་མི་རིགས་ལ་སོགས་པའི་ཞི་བདེར་དགའ་བའི་མི་མང་ཚོས་༸གོང་ས་མཆོག་གི་སྐུའི་འཁྲུངས་སྐར་ཉིན་མོ་སྲུང་བརྩི་ཟབ་རྒྱས་ཞུས་གནང་ཡོད་པ་རེད། དེ་ག་ནང་བཞིན་ཕྱི་ཚེས་དྲུག་ཉིན་རྒྱ་གར་གྱི་རྒྱལ་ས་ལྡི་ལིའི་ཁུལ་དུ་གནས་པའི་བོད་མི་ཚོས་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་གྱི་ཉིན་མོ་སྲུང་བརྩི་ཟབ་རྒྱས་ཞུས་གནང་བ་དང་སྦྲགས་༸གོང་ས་མཆོག་སྐུ་ཚེ་བརྟན་པའི་གསོལ་འདེབས་ཞུས་གནང་བ་དང་དེའི་ཐོག་༸གོང་ས་མཆོག་གིས་རྒྱ་གར་གྱི་མེས་པོ་ཆེན་པོ་གེན་རྡི་དགོངས་དོན་ལྟར་འཚེ་མེད་ཞི་བ་དང་ཆོས་ལུགས་ཕན་ཚུན་འབྲེལ་བ།མིའི་རིན་ཐང་སོགས་གོང་འཕེལ་གཏོང་དགོས་པའི་བཀའ་སློབ་བཀྲིལ་བསྩལ་གནང་ཡོད་པ་རེད། ད་རེས་ཕྱི་ཚེས་དྲུག་ཉིན་༸གོང་ས་མཆོག་དགུང་གྲངས་༧༤བཞིར་ཕེབས་པའི་སྐུའི་འཁྲུངས་སྐར་གྱི་ཉིན་མོ་དེའི་ཐོག་འཛམ་གླིང་ས་ཕྱོགས་གང་སར་གནས་པའི་བོད་མི་དང་ཞི་བདེར་དགའ་བའི་མི་མང་ཚོས་སྐུའི་འཁྲུངས་སྐར་གྱི་ཉིན་མོ་སྲུང་བརྩི་ཟབ་རྒྱས་ཞུས་གནང་ཡོད་པ་རེད།