ལྕམ་སོ་ནི་ཡ་གེན་རྡི་མཆོག་གཤག་བཅོས་ལམ་ལྷོང་བྱུང་བ།

༄༅༎རྒྱ་གར་གཞུང་འཛིན་ཀོང་རེ་སེ་ཨ་ཡི་ཚོགས་པའི་མགྲིན་ཚབ་པ་ཇ་ནར་རྡན་ཌི་ལྦི་ལྦེ་ཌི་ནས་གསར་འགོད་གསལ་བསྒྲགས་ཤིག་སྤེལ་བའི་ནང་གསལ་ལྟར་ན། ཚོགས་པའི་འགོ་འཁྲིད་ལྕམ་སོ་ནི་ཡ་གེན་རྡི་མཆོག་གཤག་བཅོས་བྱེད་པའི་རྗེས་སུ་ཆུ་ཚོད་ཉི་ཤུ་རྩ་བཞིའི་རིང་ཛ་དྲག་ནད་ཁང་ནང་བཞུགས་དགོས་བྱུང་ཡོད་ཀྱང་། དེ་རིང་རེས་གཟའ་སྤེན་པའི་ཉིན་ནད་གསོས་ཁང་ནང་ཡོད་པ་དང་། ད་རེས་སྙུན་ནར་སྐབས་ཕྱི་ནང་གཉིས་ནས་ཐུགས་གསོའི་འཚམས་འཕྲིན་གནང་མཁན་ཚང་མར་ཐུགས་རྗེ་ཆེ་ཞུས་པ་དང་སྦྲགས་ཁོང་བདུན་ཕྲག་གཉིས་གསུམ་ཙམ་རྗེས་སུ་ཕྱིར་ལོག་ཕེབས་རྒྱུའི་རེ་བ་ཡོད་ཅེས་བཀོད་ཡོད་འདུག

གསལ་བསྒྲགས་དེའི་ནང་ལྕམ་སོ་ནི་ཡ་གེན་རྡི་སྙུན་གཞི་ག་རེ་ཡིན་མིན་དང་། གཤག་བཅོས་བྱེད་ཡུལ་ས་གནས་དང་སྨན་ཁང་སོགས་གང་ཡང་གསལ་པོ་གསུངས་མེད་པ་རེད། འོན་ཀྱང་རྒྱ་གར་གྱི་ཏེཧལ་ཀ་ཞེས་པའི་གསར་འགྱུར་བརྒྱུད་ལམ་ནང་གནས་ཚུལ་བཀོད་ཐོན་བྱུང་བར་ལྟར་ན། ཨ་རིའི་གྲོང་ཁྱེར་ནིའུ་ཡོག་གི་New York Memorial Sloan Kettering Cancer Center ཞེས་པའི་ནང་གཤག་བཅོས་བྱེད་ཡོད་ལུགས་དང་། ཡང་དྲེ་ཀན་ ཧེ་རལདྲ་ཞེས་པའི་གསར་ཤོག་ནང་། ཁོང་སྐེའི་ཀེན་སར་རམ་སྤྲན་ནད་ཀྱི་གཤག་བཅོས་བྱས་ཡོད་རེད་ཅེས་བཀོད་ཡོད་པ་རེད། ཁོང་གཤག་བཅོས་ཆེད་མ་ཕེབས་པའི་གོང་ཀོང་རེ་སེ་ཚོགས་པའི་འགན་གཙོ་བོ་འཁྱེར་མཁན་ཁོངས་སུ་གནད་ཡོད་མི་སྣ་བཞིའི་མིང་བཏོན་ཡོད་པའི་ནང་། ཁོང་གི་བུ་དང་ཚོགས་པའི་སྤྱི་ཁྱབ་དྲུང་ཆེའི་འགན་འཁུར་བཞེས་མཁན་ར་ཧུལ་གེན་རྡི་ཡང་ཡོད་པ་རེད།།